روتی ہوئی آنکھیں ہیں جلتا ہوا سینہ ہے
اس ہجر کے مارے کا مرنا ہے نہ جینا ہے
Rotii hui aankhein hain jalta hua seenah hai
Is hijr ke maare ka marna hai na jeena hai
مجھ پر بھی کرم کر دو لگ جاؤں کنارے پر
گرداب حوادث میں پھر میرا سفینہ ہے
Mujh par bhi karam kar do lag jaaon kinare par
Gardaab hawadis mein phir mera safeena hai
ساکت ہے زباں میری خاموش ہیں لب میرے
سائل کی طلب کا یہ کیا خوب قرینہ ہے
Saakit hai zabaan meri khaamosh hain lab mere
Sail ki talab ka yeh kya khoob qareena hai
جو خاک مدینہ ہے شان اس کی نرالی ہے
اس خاک کا ہر ذرہ نایاب نگینہ ہے
Jo khaak Medinah hai shaan us ki niraali hai
Is khaak ka har zarrah nayaab nageena hai
سرکار کی یادوں کے روشن ہیں چراغ اس میں
ہر آن میرے دل کا آباد مدینہ ہے
Sarkar ki yaadon ke roshan hain charagh is mein
Har aan mere dil ka aabaad Medinah hai
معمور ہے دل میرا سرکار کی یادوں سے
ہو گی نہ کمی اس میں یہ ایسا خزینہ ہے
Maamoor hai dil mera Sarkar ki yaadon se
Ho gi na kami is mein yeh aisa khazina hai
جب سے ہے لگا سینہ لج پال کے سینے سے
کیا بات ہے سینے کی سینے میں مدینہ ہے
Jab se hai laga seenah Lajpaal ke seenay se
Kya baat hai seenay ki seenay mein Medinah hai
سرکار نیازی کو قدموں میں بلا لیجئے
دور آپ سے رہ کر یہ جینا کوئی جینا ہے
Sarkar Niazi ko qadamoun mein bula lijiye
Door aap se reh kar yeh jeena koi jeena hai
Share This Naat
Share with friends and family
روتی ہوئی آنکھیں ہیں جلتا ہوا سینہ ہے
عبدالستار نیازی