روشن جہاں میں ہر جا پاتا ہوں نور تیرا
ہر شے میں دیکھتا ہوں پیارے ظہور تیرا
Roshan jahan mein har ja pata hoon noor tera
Har shay mein dekhta hoon pyare zuhoor tera
از ماه تا بماہی ہے تیری بادشاہی
دکھلا رہا ہے کیا کیا عالم ظہور تیرا
Az maah ta mahaai hai teri badshahi
Dikhla raha hai kya kya alam zuhoor tera
گلشن میں چپکے چپکے لیتے ہیں نام غنچے
اور بلبلوں میں دیکھا ہر سمت شور تیرا
Gulshan mein chupke chupke lete hain naam ghunche
Aur bulbulon mein dekha har simt shor tera
کیوں تلملا کے گرتے غش کھا کے طور پر وہ
گر چوندھیا نہ دیتا موسیٰ کو نور تیرا
Kyun talmila ke girte ghash kha ke toor par woh
Gar chundhiya na deta Moosa ko noor tera
گر ٹھیرتا تصور تیرا ہمارے دل میں
کچھ پوچھتے نشاں ہم تجھ سے ضرور تیرا
Gar thaharta tasawwurr tera humare dil mein
Kuch poochhte nishaan hum tujh se zarur tera
صد حیف ہو کے انساں کچھ بھی نہ کر سکے ہم
کرتے ہیں ذکر باہم وحش و طیور تیرا
Sad haif ho ke insaan kuch bhi na kar sake hum
Karte hain zikr baaham wahsh o tayyoor tera
منصور کا یہ منھ تھا کہتا جو انا الحق
برپا کیا ہوا تھا سارا فتور تیرا
Mansoor ka yeh munh tha kehta jo ana al-haq
Barpa kiya hua tha saara futoor tera
بنتے ہی بندہ بت پی لے مئے محبت
آنکھوں میں وہ نشہ ہے دل میں سرور تیرا
Bante hi banda but pee le maay-e-muhabbat
Aankhon mein woh nasha hai dil mein suroor tera
بیدم کی آرزو ہے ہر دم یہ جستجو ہے
مل جائے کاش اس کو قرب و حضور تیرا
Baydam ki aarzoo hai har dam yeh justuju hai
Mil jaye kaash is ko qurb o huzoor tera
Share This Naat
Share with friends and family
روشن جہاں میں ہر جا پاتا ہوں نور تیرا
بیدم شاہ وارثی