دل میں رکھنا رب کی یادوں کے سوا کچھ بھی نہیں
یہ عمل ہوگا تو پھر رنج و بلا کچھ بھی نہیں
Dil mein rakhna Rab ki yaadon ke siwa kuch bhi nahi
Yeh amal hoga to phir ranj o bala kuch bhi nahi
بولے ابراہیم یہ سارے بتوں کو توڑ کر
میرا رب سچّا ہے باقی دوسرا کچھ بھی نہیں
Bole Ibraheem yeh sare baton ko tod kar
Mera Rab sacha hai baqi dosra kuch bhi nahi
رب کے بندے خاص جو ہیں دہر اُن کے واسطے
ایک بے جاں جانور اس کے سِوا کچھ بھی نہیں
Rab ke bande khaas jo hain dehr un ke wastay
Ek be jaan jaanwar is ke siwa kuch bhi nahi
زندگی ہم نے گزاری دُنیاداری میں مگر
آخرت کے واسطے ہم نے کیا کچھ بھی نہیں
Zindagi hum ne guzari duniya dari mein magar
Aakhirat ke wastay hum ne kiya kuch bhi nahi
جس کو ایماں کی ملی ہے روشنی روشن ہے وہ
یہ جو دُنیا کی ضیا ہے یہ ضیا کچھ بھی نہیں
Jis ko imaan ki mili hai roshni roshan hai wo
Yeh jo duniya ki diya hai yeh diya kuch bhi nahi
ربِّ عالم آرزو ہے خاتمہ بالخیر ہو
میرا تو اس کے سوا اب مدّعا کچھ بھی نہیں
Rab-e-Aalam arzoo hai khaatima bil khair ho
Mera to is ke siwa ab mad-ua kuch bhi nahi
ہے حرم کی سرزمیں رحمت بداماں دوستو!
اس کے آگے ساری دُنیا کی فضا کچھ بھی نہیں
Hai Haram ki sar zameen rehmat bedaaman dosto!
Is ke aage sari dunya ki fizaa kuch bhi nahi
روشنی مغرب کی لوگو! تیرگی ہے تیرگی
جس میں عکسِ دیں نہ ہو وہ آئینہ کچھ بھی نہیں
Roshni maghrib ki logo! teeragi hai teeragi
Jis mein aks-e deen na ho wo aina kuch bhi nahi
راہِ حق سے جو ہٹا بندہ خسارے میں رہا
واسطے اس کے مگر روزِ جزا کچھ بھی نہیں
Raah-e-haq se jo hata banda khusare mein raha
Wastay is ke magar roza-e-jaza kuch bhi nahi
حکمِ مولا گر نہ ہو تو طاہرِؔ خستہ سنو!
ہر دَوا بے سود ہوگی اور دُعا کچھ بھی نہیں
Hukum-e-Mola gar na ho to Tahir-e khasa suno!
Har dawa be sood hogi aur dua kuch bhi nahi
Share This Naat
Share with friends and family
دل میں رکھنا رب کی یادوں کے
طاہر سلطانی