خالق تے مولا والی تے وارث جہان دا
بندیاں دے دل دے ساریاں بھیتاں نوں جان دا
Khaaliq te Maula waali te waaris jahaan da
Bandiyaan de dil de saariyaan bheetaan noon jaan da
ہر چیز کائنات دی اوہدا ظہور اے
ہر روشنی چہ اوس دے جلوے دا نور اے
Har cheez kaainaat di ohda zahoor ae
Har roshni che os de jaloove da noor ae
گلشن دے بوٹے بوٹے دے پتے تے ڈالیاں
پھل کلیاں دس دے اوہدیاں شاناں نرالیاں
Gulshan de bootay bootay de pattay te daaliyan
Phal kaliyan das de ohdiyan shanaan niraliyaan
سب لوڑ دے نیں اوہنوں کسے دی وی لوڑ نئیں
اوہدے خزانیاں چہ کسے شے دی تھوڑ نئیں
Sab loorh de ne ohnoo kise di vi loorh nahi
Ohdian khazaanyaan che kise she de thorh nahi
چاوہوے تے بادشاہواں نوں دے خاک وچہ رلا
مرضی ہووے فقیر نوں دے تخت تے بٹھا
Chaave te baadashaawaan no de khaak vech ralaa
Marzi hove faqir noon de takhat te bitha
اوہنوں سمجھ نہ سکدا کسے دا شعور اے
اس ذات کبریا نوں ای سج دا غرور اے
Ohnun samajh na sakda kise da shaoor ae
Us zaat e kibria noon ee sajh da gharoor ae
جائز نیں اوہنوں جو وی کرے بے نیازیاں
لج پالیاں سخاوتاں بندہ نوازیاں
Jaayiz ne ohnoon jo ve kare be niyaaziyan
Lajpaaliyaan sakhaawataan bandah nawaaziyan
سوچاں وی ہار گئیاں اوہدا سوچ کے خیال
ایتھے ظہوریؔ کون کسے دی اے کیہ مجال
Sochaan ve haar gaiyan ohda sochke khayal
Ithey Zahoore, kaun kise di ae keh majaal
Share This Naat
Share with friends and family
خالق تے مولا والی تے وارث جہان دا
محمد علی ظہوری