خاتون جنت دے وانگوں کون امت تے احسان کرے
سرکار دا دین بچاون لئی سب کنبے نوں قربان کرے
Khatoon Jannat de wangon kaun ummat te ehsaan kare
Sarkar da deen bachaun laee sab kanbe nu qurban kare
جنہوں ویکھ کے سارے نبیاں دا سردار کھڑا ہوجاندا اے
کیہہ طاقت قلم نمانی دا زہرا دی شان بیان کرے
Jinhan wekhe ke saare nabiyan da sardar khara ho jaanda ae
Keha takat qalam namani da Zahra di shaan bayan kare
مک جاندی رات نہ مکدا اے سجدہ سرکار دی بیٹی دا
رو رو کے کیہڑا امت دی مشکل نوں انج آسان کرے
Muk jande raat na mukda ae sajda Sarkar di beti da
Ro ro ke kehra ummat di mushkil nu injh aasan kare
چکی دی مشقت ہتھاں تے جنت دی حکومت قدماں وچ
فاقے دی مصیبت یاد نئیں ہر دم ورد قرآن کرے
Chakki di mushaqqat hathan te jannat di hukumat qadman vich
Faqe di museebat yaad nahi har dam vird Qur'an kare
جھک جان نگاہواں محشر وچ آونا ایں نبی دی بیٹی نے
کیہہ حشر ہووے گا محشر جدوں والی ایہہ اعلان کرے
Jhuk jaan nigaawan mahshar vich avna ae Nabi di beti ne
Keha hashar hovega mahshar jadon vaali eh ilan kare
جدے سر دا سائیں حیدر اے جدا باپ محمدؐ سرور اے
تا حشر ظہوریؔ نوں مولا اوہدی چوکھٹ دا دربان کرے
Jade sir da Saeen Haider ae jada baap Muhammadﷺ Sarwar ae
Ta hashr Zahoori nu Maula ohdi chaukhat da darban kare
Share This Naat
Share with friends and family
خاتون جنت دے وانگوں کون
محمد علی ظہوری