Sun sun mera paigham sun

سن سن مرا پیغام سن ہر بات پر یوں سر نہ دھن

Sun sun mera paighaam sun Har baat par yun sar na dhan

اپنی قبائے فکر پر کلیاں سجا کانٹے نہ چن

Apni qabaaye fikr par Kuliyan saja kaante na chun

حیدر بقا باقی فنا ریشم پہن کھدر نہ بن

Haider baqa baqi fana Resham pehan khaddar na ban

اک بار پی جامِ ولا تجھ پر سدا برسے گا ہن

Ik baar pi jaam-e-vila Tujh par sada barse ga han

کچھ سوچ تخلیقات پر اے صاحب فکر و سخن

Kuch soch takhliqat par Ae saahib-e-fikr o sukhan

بنتا ہے جب پیکر کوئی کہتا ہے کون اس وقت کن

Banta hai jab paikar koi Kehta hai kaun us waqt kun

افکار کا سونا بنا الفاظ کی روئی نہ دھن

Afkaar ka sona bana Alfaaz ki rooi na dhan

اس پر میرا ایمان ہے آتا ہے مجھ کو ایک گن

Is par mera imaan hai Aata hai mujh ko aik gun

مولا علی مشکل کشا جس کو لیا خالق نے چن

Mola Ali mushkil kasha Jis ko liya khaaliq ne chun

ہاں اے عدوئے مرتضیٰ حیدر کا تو ہمسر دکھا

Haan ae adu-e-Murtaza Haider ka tu hamsar dikha

جس کو خدا بندہ کہے بندے کہیں جس کو خدا

Jis ko khuda banda kahe Bande kahen jis ko khuda

حق ایلیا حق ایلیا حق ایلیا

Haq Ilya haq Ilya Haq Ilya

یہ این و آں یہ خشک و تر یہ رنگ و بو شام و سحر

Ye enn o aan ye khushk o tar Ye rang o bu shaam o sehar

ویران ہوتی بستیاں ہر سمت یہ آباد گھر

Veeraan hoti bastiyan Har simt ye aabaad ghar

یہ غلغلے احساس کے یہ ہاؤ ہو آٹھوں پہر

Ye galghale ehsas ke Ye haao hoo aatho pehar

ہر دم جواں پیہم رواں دھرتی فلک شمس و قمر

Har dum jawaa paiham ravan Dharti falak shams o qamar

طوفاں، سمندر، آب جو ہیرے، صدف، موتی، گہر

Tofaan, samundar, aab jo Heere, sadaf, moti, gaher

رستے مسافر قافلے منزل قدم گردِ سفر

Raste musafir qafile Manzil qadam gard-e safar

رنگِ فضا، سنگِ صدا کروبیاں، جن و بشر

Rang-e-fiza, sang-e-sada Kurobiyyan, jinn o bashar

جو کچھ بھی ہے کونین میں مولا کی ہے خیراتِ در

Jo kuch bhi hai kounain mein Mola ki hai khairaat-e-dar

سب کچھ اسی کے فیض سے سب کا وہی ہے چارہ گر

Sab kuch usi ke faiz se Sab ka wohi hai charah gar

جب اس کا در بجنے لگا سارا جہاں سجنے لگا

Jab us ka dar bajne laga Sara jahan sajne laga

قرآن میں پڑھ ہل اتیٰ صلے علیٰ صلے علیٰ

Quran mein parh hal ata Sala ale, sala ale

حق ایلیا، حق ایلیا حق ایلیا

Haq Ilya, haq Ilya Haq Ilya

اے خطہء ارضِ عرب کر یاد تو تیرہ رجب

Ae khita-e-arz-e-arab Kar yaad tu teerah Rajab

انوارِ کعبہ در نبی ہم شکلِ یزداں کے سبب

Anwaar-e-Kaaba dar Nabi Hum shakal-e-Yazdan ke sabab

خالق کے گھر اترے بشر ہوتا ہے یوں دنیا میں کب؟

Khaalik ke ghar utre bashar Hota hai yun duniya mein kab?

بت بھی اسے سجدہ کریں لوگو یہ ہے بندہ عجب

But bhi usay sajda karein Logon ye hai banda ajab

اوصاف مثلِ کبریا سیرت میں بھی اعلیٰ نسب

Ausaf misal-e-kibriya Seerat mein bhi aala nasab

جب تک نہ دیں احمد زباں اس وقت تک کھولے نہ لب

Jab tak na den Ahmad zabaan Us waqt tak khole na lab

اس بندۂ رب کے لیے کہتا ہے خود بندوں کا رب

Is banda-e-Rab ke liye Kehte hai khud bandon ka Rab

اس کی رضا میری رضا اس کا غضب میرا غضب

Us ki raza meri raza Us ka ghazab mera ghazab

میرے نبی کا آسرا کوئی نہیں اس کے سوا

Mere Nabi ka aasra Koi nahi us ke siwa

اب تو بھی ہو وقفِ دعا حق ایلیا حق ایلیا

Ab tu bhi ho waqf-e-dua Haq Ilya haq Ilya

حق ایلیا جھولے میں اک طفلِ حسیں

Haq Ilya Jhoole mein ik tifl-e-haseen

سویا ہوا ہے نازنیں بنتِ اسد کا لاڈلا

Soya hua hai naazneen Bint-e-Asad ka ladla

عالم کا تنہا مہ جبیں جھک جھک کے دیکھے آسماں

Aalam ka tanha meh jabeen Jhuk jhuk ke dekhe aasman

رک رک کے پہچانے زمیں دہکا ہے رنگِ لعلِ لب

Ruk ruk ke pehchaane zameen Dahka hai rang-e-laal-e-lab

مہکی ہے زلفِ عنبریں آنکھیں گلابی جھیل ہیں

Mehki hai zulf-e-amberiin Aankhein gulaabi jheel hain

چہرہ رخِ دین مبیں اژدر کی پھنکاریں سنو

Chehra rukh-e-deen mubeen Azdhar ki phunkaarein suno

ٹھہرو ہوئی آہٹ کہیں پھیلا عدوئے مرتضیٰ

Thahro hui aahat kahin Phaila adu-e-Murtaza

آیا جو جھولے کے قریں اٹھا وہ دستِ کبریا

Aaya jo jhoole ke qareeb Utha woh dast-e-Kibriya

اژدر ہوا ٹکڑے نہیں عالم پہ سکتہ چھا گیا

Azdhar hua tukde nahi Aalam pe sakta chha gaya

ہر شخص ہے سہما ہوا بوجہل کو کہنا پڑا

Har shakhs hai sehma hua Bujhal ko kehna pada

حق ایلیا، حق ایلیا حق ایلیا

Haq Ilya, haq Ilya Haq Ilya

ہجرت کی شامِ پر خطر بھائی کی چادر اوڑھ کر

Hijrat ki shaam-e-par khatar Bhai ki chadar oadh kar

سویا ہے کتنے چین سے جاں دادۂ خیر البشر

Soya hai kitne chain se Jaan dada-e-khair al bashar

دیکھا خمارِ خواب میں منہ چومنے آئی سحر

Dekha khumaar-e-khaab mein Munh choomne aayi sehar

اعداء کے گھیرے میں مکاں دشمن کے قبضے میں ہے گھر

Adaa ke ghere mein makaan Dushman ke qabze mein hai ghar

منظر سے ہے ظاہر ابھی تیغوں سے برسیں گے شرر

Manzar se hai zahi raaz Teghon se barsein ge sharar

لیکن یہ منظر چھوڑ دو آؤ ذرا دیکھیں ادھر

Lekin ye manzar chhod do Aao zara dekhein idhar

پیغمبری ہے مطمئن بستر پہ ہے شیرِ ببر

Paighambhari hai mutmain Bistar pe hai sher-e-babar

لپٹا ہے اپنی اصل سے شاخِ شجاعت کا ثمر

Lipta hai apni asal se Shaakh-e-shujaat ka samar

اس سمت خوف و حزن سے رویا نبیؐ کا ہم سفر

Us simt khauf o huzn se Roya Nabiؐ ka hum safar

سرورؐ کو کچھ یاد آگیا کہنے لگے یوں مصطفیٰ

Saroorؐ ko kuch yaad aa gaya Kehne lage yun Mustafa

کیوں بے محل رونے لگا آ تجھ پہ دم کر دوں دعا

Kyun be mahal rone laga Aa tujh pe dam kar doon dua

حق ایلیا، حق ایلیا حق ایلیا

Haq Ilya, haq Ilya Haq Ilya

اک اور منظر دیکھنا اب سوئے خیبر دیکھنا

Ik aur manzar dekhna Ab soye Khaibar dekhna

بغض و حسد کے روپ میں مرحب کے تیور دیکھنا

Baghz o hasad ke roop mein Marhab ke taywar dekhna

ہیں سرنگوں بیٹھے ہوئے اصحابِ سرور دیکھنا

Hain sarngoon baithe hue As-haab-e-saroor dekhna

رہ رہ کے احمد کا وہاں اپنا مقدر دیکھنا

Ruh re rehti Ahmed ka wahaan Apna muqaddar dekhna

آیا سوارِ کہکشاں اترا وہ حیدر دیکھنا

Aaya sawar-e-kahkashan Utra woh Haider dekhna

اک پل میں اب اڑتا ہوا اک آہنی در دیکھنا

Ik pal mein ab urta hua Ik aahni dar dekhna

سہمی زمیں اوڑھے ہوئے جبریل کے پر دیکھنا

Sehmi zameen odhe hue Jibril ke par dekhna

آتا ہے کتنے ناز سے نفسِ پیمبرؐ دیکھنا

Aata hai kitne naaz se Nafs-e-Paigambarؐ dekhna

سلمان کہتے تھے ادھر لوگو ہنرور دیکھنا

Salman kehte the idhar Logo hunarwar dekhna

کیسے چلی تیغِ علی مردوں کے جوہر دیکھنا

Kaise chali tegh-e-Ali Mardon ke johar dekhna

حیدر کی مٹھی میں ذرا مرحب کا بھی سر دیکھنا

Haider ki muthi mein zara Marhab ka bhi sar dekhna

کہتے تھے اس دم مصطفیٰ یہ ہے پیامِ کبریا

Kehte the us dham Mustafa Yeh hai paigham-e-kibriya

جب بھی ہو دکھ کا سامنا واجب ہے تم پر یہ صدا

Jab bhi ho dukh ka saamna Waajib hai tum par yeh sada

حق ایلیا، حق ایلیا حق ایلیا

Haq Ilya, haq Ilya Haq Ilya

معراج کی شب آگئی ہر سو خموشی چھا گئی

Miraaj ki shab aa gayi Har soo khamoshi chha gayi

جاگو ذرا اے مصطفیٰ دیکھو سواری آ گئی

Jaago zara ae Mustafa Dekho sawari aa gayi

طے ہو چکیں سب منزلیں روحِ امم لہرا گئی

Tay ho chuki sab manzilen Ruh-e-ummat lehrra gayi

آیا حجابِ آخری ساری فضا چرا گئی

Aaya hijaab-e-aakhri Saari fiza chura gayi

چپ چپ ہے حق کا نبیؐ قسمت کہاں ٹھہرا گئی

Chup chup hai haq ka Nabiؐ Qismat kahan theherra gayi

یہ ساتھ ہے دیکھا ہوا انگشت ہی بتلا گئی

Yeh saath hai dekha hua Angusht hi batla gayi

پردے کے اندر کون ہے؟ لہجے کی رو سمجھا گئی

Pardey ke andar kaun hai? Lahje ki ro samjha gayi

ابھری صدائے آشنا عقدے کئی سلجھا گئی

Ubhri sada-e-aashna Aaqde kai suljha gayi

پوچھا نبیؐ نے ماجرا آئی صدائے کبریا

Poocha Nabiؐ ne maajara Aai sada-e-Kibriya

اے وارثِ بزم کساء یہ کون ہے بوجھو ذرا

Ae waaris-e-bazm-e-Kasaa Yeh kaun hai bjuho zara

بولے جوابََا مصطفیٰ حق ایلیا، حق ایلیا

Bole jawaaban Mustafa Haq Ilya, haq Ilya

حق ایلیا یاد آگیا کچھ بر محل

Haq Ilya Yaad aaya kuch barmahal

سوئے غدیرِ خم بھی چل یہ قافلہ کیوں رک گیا؟

Soye Ghadir-e-Khum bhi chal Yeh qafila kyun ruk gaya?

پڑنے لگا کیسا خلل؟ اترا ہے کیوں روح الامیں ؟

Parhne laga kaisa khalal? Utra hai kyun Ruh al Amin?

کیوں تھم گیا ہر ایک پل ؟ پالان کے منبر پہ کیوں ؟

Kyun tham gaya har aik pal? Paalan ke mimbar pe kyun?

ابھری اذاں اے دل سنبھل کہتا ہے کون اس دشت میں

Ubhri azaan ae dil sambhal Kehta hai kaun is dasht mein

حی علیٰ خیر العمل سن لے زبانِ نور سے

Hayye ‘ala khair al-amal Sun le zubaan-e-noor se

توحید کی تازہ غزل وہ دے رہے ہیں مصطفیٰ

Toheed ki taaza ghazal Woh de rahein hain Mustafa

پیغامِ رب لم یزل حیدر ہے میرا جانشیں

Pegaam-e-Rabb lam yazal Haider hai mera jaan nasheen

حیدر مری محنت کا پھل یہ محورِ ارض و سما

Haider meri mehnat ka phal Yeh mehvar-e-arz o sama

نبیوں کا یہ عقدہ کشا آدم کا پہلا مدعا

Nabiyon ka yeh uqda kasha Aadam ka pehla mad’a

نوحِ نجی کا آسرا یعقوب کے دل کی دعا

Nooh-e-naji ka aasra Yaqoob ke dil ki dua

یہ حسنِ یوسف کی بقا یہ ابنِ مریم کی شفا

Yeh hussan-e-Yusuf ki baqa Yeh ibn-e-Maryam ki shifa

یہ صدرِ بزمِ اتقیاء یہ قاطعِ ظلم و وبا

Yeh sadr-e-bazm-e-atqiya Yeh qatae-e-zulm o waba

یہ منزلِ حق آشنا یہ بندۂ غائب نما

Yeh manzil-e-haq aashna Yeh banda-e-ghaib numa

یہ آدمی کا ارتقا یہ فصل گل موج صبا

Yeh aadmi ka irtqa Yeh fasal gul mauj saba

یہ ساقیِ حوضِ ولا یہ ماہ و انجم کی ضیاء

Yeh saqi-e-hawz-e-wila Yeh maa o anjum ki zia

یہ دشمنِ حق کی قضا یہ سرِ حق کی ابتداء

Yeh dushman-e-haq ki qaza Yeh sar-e-haq ki ibtida

یہ رازدارِ انما یہ حوصلوں کی انتہا

Yeh raazdar-e-inma Yeh hoslon ki inteha

یہ صبر میں ڈھالا ہوا یہ موت کا پالا ہوا

Yeh sabr mein dhaala hua Yeh maut ka paala hua

یہ خلد کا سلطاں سدا یہ دافعِ قحط و وبا

Yeh khaldi ka sultaan sada Yeh daafi-e-qat o waba

یہ شافعِ روزِ جزا یہ جنگ میں کہسار سا

Yeh shafi-e-roz-e-jaza Yeh jang mein kohsar sa

یہ آئنہ اعمال کا یہ سو مرض کی اک دوا

Yeh aaina aamaal ka Yeh so marz ki aik dawa

یہ کشتیوں کا ناخدا یہ سازِ حق سوزِ نوا

Yeh kashtiyon ka naa khuda Yeh saaz-e-haq soz-e-nawa

یہ مرکزِ حسنِ وفا یہ رازِ نطق تحتِ با

Yeh markaz-e-hussan-e-wafa Yeh raaz-e-naqt tahat-e-ba

یہ لختِ دل عمران کا ہر اک کا مولا بن گیا

Yeh lakht-e-dil Imran ka Har ek ka mola ban gaya

اب مجھ پہ بھی واجب ہوا حق ایلیا حق ایلیا

Ab mujh pe bhi wajib hua Haq Ilya haq Ilya

حق ایلیا حق ایلیا

Haq Ilya Haq Ilya

سن سن مرا پیغام سن

Share This Naat

Related Naats

یا حاجی وارث علی پیا

خلق پہ لطفِ خدا حضرتِ عثمان ہیں

اللہ برائے غوثِ اعظم

سِبطِ شہِؐ دیں نازِ حسن پیکرِ تنویر