ملتا نہیں کسی کو بھی اس کی عطا بغیر
بنتی نہیں ہے بات خدا سے دُعا بغیر
Milta nahi kisi ko bhi is ki ata baghair
Banti nahi hai baat Khuda se du'a baghair
ہلتا نہیں ہے پتّا بھی رب کی رضا بغیر
وہ چاہے تو مریض ہو اچھّا دَوا بغیر
Hilta nahi hai patta bhi rab ki raza baghair
Wo chahe to mareez ho ach-cha dawa baghair
ربِّ جہاں کی نعمتیں سب لاجواب ہیں
بنتا ہمارا کیا ذرا سوچو ہَوا بغیر
Rabb-e-Jahan ki na'matein sab lajawab hain
Banta hamara kya zara socho hawa baghair
ہے کامیابی صرف رضائے الٰہ میں
منزل نہ پاسکے گا تو رب کی رضا بغیر
Hai kamiyabi sirf riza-e-Ilah mein
Manzil na paa sake ga tu rab ki raza baghair
بے شک ہیں آسمان و زمیں اس سے مستنیر
ہے تیرگی ہی تیرگی اُس کی ضیا بغیر
Be shak hain aasman o zameen us se mustaneer
Hai teeragi hi teeragi us ki zia baghair
حمد و ثنا سے قلب کو ملتی ہیں دھڑکنیں
آسودگیِ دل نہیں حمد و ثنا بغیر
Hamd o sana se qalb ko milti hain dhadkanein
Asoodagi-e-dil nahi hamd o sana baghair
گستاخِ مصطفیﷺ پہ خدا کا عذاب ہو
گستاخ کوئی بچ نہ سکے گا سزا بغیر
Gustaakh-e-Mustafa (SAW) pe Khuda ka azaab ho
Gustaakh koi bach na sake ga saza baghair
روشن رہے چراغِ محبت رسولﷺ کا
کامل نہ ہوگا ایماں بھی شمس الضحیٰ بغیر
Roshan rahay charagh-e-mohabbat Rasool (SAW) ka
Kamil na hoga imaan bhi shams-ud-duha baghair
ساری عبادتوں کا فقط مغز ہے دُعا
بے کیف ہیں عبادتیں طاہرؔ دُعا بغیر
Saari ibadaton ka faqat maghz hai du'a
Be kaif hain ibadatein Tahir (RA) du'a baghair
Share This Naat
Share with friends and family
ملتا نہیں کسی کو بھی اس کی عطا بغیر
طاہر سلطانی