قادر ہے وہ قدیر ہے پروردگار ہے
ہر اک جہان اس کے ہی زیرِ حصار ہے
Qadir hai woh qadir hai Parwardigaar hai
Har ek jahaan us ke hi zeir-e hisaar hai
سب کچھ ہمارا بے گماں وہ کردگار ہے
آباد اس کے فضل سے دل کا دِیار ہے
Sab kuch hamara be gumaan woh Kirdigaar hai
Aabaad us ke fazl se dil ka diyar hai
ہر ایک چیز ربِّ جہاں پر نثار ہے
مدحت کناں خدا کا ہر اِک جاندار ہے
Har ek cheez Rab-e jahaan par nisaar hai
Madahat kanaan Khuda ka har ik jaandaar hai
ہے بارگاہِ رب جہاں ایسی بارگاہ
سرخم کیے ہوئے جہاں ہر تاجدار ہے
Hai bargah-e Rab jahan aisi bargah
Sarkham kiye huye jahan har taajdaar hai
ہرشے کو خلق کردیا ربِّ جہان نے
انسان رب کا سب سے بڑا شاہکار ہے
Har shai ko khalq kar diya Rab-e jahaan ne
Insaan Rab ka sab se bara shahkaar hai
مولا نے اپنے جلوؤں سے اس کو سجادیا
صحنِ حرم میں رب نے اُتاری بہار ہے
Moula ne apne jalwo se us ko sajadiya
Sehn-e Haram mein Rab ne utaari bahar hai
کعبے کا حسن دیکھیے، اَسوَد کی عظمتیں
اِک بوسے کے لیے وہاں لمبی قطار ہے
Kaabe ka husn dekhiye, Aswad ki azmatain
Ik bose ke liye wahan lambi qataar hai
کعبے کی پہلی حاضری بھولا نہیں ہوں میں
اس حاضری کا مجھ پہ ابھی تک خمار ہے
Kaabe ki pehli haazri bhula nahin hoon main
Is haazri ka mujh pe abhi tak khumar hai
فردِ عمل میں نیکی نہیں کوئی ایک بھی
مولا! یہ بندہ تیرا بڑا شرمسار ہے
Fard-e amal mein neki nahin koi ek bhi
Moula! Yeh banda tera bada sharmsaar hai
مولا! کرم بغیرِ حساب و کتاب ہو
طاہرؔ ہے بندہ تیرا، مگر نابکار ہے
Moula! Karam begair-e hisaab o kitaab ho
Tahir hai banda tera, magar naabikaar hai
Share This Naat
Share with friends and family
قادر ہے وہ قدیر ہے پروردگار ہے
طاہر سلطانی