میں تیرا فن ہوں ۔۔ یہی فن ترا غرور ہُوا
تری انا کا مری ذات سے ظہور ہُوا
Mein tera fun hoon... yahi fun tera ghror huwa
Teri ana ka meri zaat se zuhur huwa
ترے وجود کو وحدت ملی تو مجھ سے ملی
تو صرف ایک ہُوا ‘ جب میں تجھ سے دُور ہُوا
Tere wajood ko wahdat mili to mujh se mili
Tu sirf aik huwa, jab mein tujh se dur huwa
بس ایک حادثہء کن سے یہ جدائی ہوئی
میں ریگِ دشت ہُوا ‘ تو فرازِ طُور ہُوا
Bas aik hadsaa-e-Kun se yeh judaai hui
Mein reg-e-dasht huwa, tu fraaz-e-tur huwa
ترے جمال کا جو ہر مرا رقیب نہ ہو
میں تیری سمت جب آیا تو چُور چُور ہُوا
Tere jamal ka jo har mera raqeeb na ho
Mein teri simt jab aaya to chuur chuur huwa
عجیب طرح کی اِک ضد مرے خمیر میں ہے
کہ جب بھی تیرگی اُمڈی میں نُور نُور ہُوا
Ajeeb tarah ki ik zid mere khameer mein hai
Ke jab bhi teeragi umdi mein noor noor huwa
یہ اور بات ۔۔ رہا انتظار صدیوں تک
مگر جو سوچ لیا میں نے ‘ وہ ضرور ہُوا
Yeh aur baat... raha intezaar sadiyon tak
Magar jo soch liya mein ne, woh zarur huwa
Share This Naat
Share with friends and family
میں تیرا فن ہوں
احمد ندیم قاسمی