روشن ہُوا ہے دہر میں ایسا دیا حسین
جس کو بجھا سکی نہ مخالف ہوا حسین
Roshan hua hai dahr mein aisa diya Hussain
Jis ko bujha sake na mukhalif hawa Hussain
خوشبو سے جس کی آج معطر گلی گلی
بستانِ مصطفٰے کا گلِ خوشنما حسین
Khushbu se jis ki aaj mutar guli guli
Bustan-e-Mustafa ka gul-e-khushnuma Hussain
نام و نشاں یزید کا دنیا سے مٹ گیا
اسمِ گرامی آپ کا زندہ رہا حسین
Naam o nishan Yazid ka duniya se mit gaya
Ism-e-grami aap ka zinda raha Hussain
بہتا فرات آن کے قدموں میں آپ کے
ہاتھوں کو ایک بار جو دیتے اٹھا حسین
Behta Farat aan ke qadmon mein aap ke
Hathon ko ek baar jo dete utha Hussain
قرآن پڑ ھا جاتا رہا سو بسو مگر
نوکِ سناں کے اوج پہ تو نے پڑھا حسین
Quran parhha jata raha so baso magar
Noke sanan ke oj pe to ne parha Hussain
باطل کو اپنے نام سے جوڑا یزید نے
حق تو ہمیشہ تیری طرف ہی رہا حسین
Batil ko apne naam se joda Yazid ne
Haq to hamesha teri taraf hi raha Hussain
سجدہ جلیل قابلِ تحسین وہ ہی ہے
کرب و بلا کی ریت پہ جو کر گیا حسین
Sajda Jaleel qabil-e-tahseen woh hi hai
Karobala ki reit pe jo kar gaya Hussain
Share This Naat
Share with friends and family
روشن ہُوا ہے دہر میں ایسا دیا حسین
حافظ عبدالجلیل