مرے دل میں سمائی ہے عقیدت غوثِ اعظم کی
سدا قائم رہے یارب یہ قُربت غوثِ اعظم کی
Mere dil mein samaai hai aqeedat Ghaus-e-Azam ki
Sada qaim rahe ya Rab ye qurubat Ghaus-e-Azam ki
پُکارا جب بھی یا میراں تو مشکل ٹل گئی میری
رہی مجھ پر ہمیشہ ہی یہ شفقت غوثِ اعظم کی
Pukara jab bhi ya Meera, to mushkil tal gayi meri
Rahi mujh par hamesha hi ye shafqat Ghaus-e-Azam ki
غلامی میرِ میراں کی سکونِ قلب دیتی ہے
لحد میں آسرا دے گی یہ نسبت غوثِ اعظم کی
Ghulami Mir-e-Meera ki sukoon-e-qalb deti hai
Lahad mein aasra de gi ye nisbat Ghaus-e-Azam ki
ہمیشہ سے بھکارن ہوں شہِ بغداد کے در کی
مری جھولی کو بھرتی ہے سخاوت غوثِ اعظم کی
Hamesha se bhikaran hoon shah-e-Baghdad ke dar ki
Meri jholi ko bharti hai sakhaawat Ghaus-e-Azam ki
زمانے بھر کے ولیوں سے ہے رُتبہ آپ کا بالا
ولی ہیں مقتدی سارے امامت غوثِ اعظم کی
Zamane bhar ke waliyon se hai rutba aap ka bala
Wali hain muqtadi saare imaamat Ghaus-e-Azam ki
نبی کی آل کے گوہر ہیں اور محبوبِ سبحانی
ولی سب جانتے ہیں یہ حقیقت غوثِ اعظم کی
Nabi ki aal ke gohar hain aur mahboob-e-Subhani
Wali sab jaante hain ye haqeeqat Ghaus-e-Azam ki
خزانے آگئے دنیا و دیں کے میرے دامن میں
ملی ہے ناز کو ایسی محبت غوثِ اعظم کی
Khazane aa gaye dunya o dinn ke mere daaman mein
Mili hai Naaz ko aisi mohabbat Ghaus-e-Azam ki
Share This Naat
Share with friends and family
مرے دل میں سمائی ہے عقیدت غوثِ اعظم کی
صفیہ ناز