جب سے لبوں پہ نام جنابِ حسن کا ہے
بندہ یہ شادکام جنابِ حسن کا ہے
Jab se labon pe naam janab-e-Hasan ka hai
Banda ye shaad kaam janab-e-Hasan ka hai
سبطِ رسول، ابنِ علی، جانِ فاطمہ
کتنا بڑا مقام جنابِ حسن کا ہے
Sabt-e-Rasool, ibn-e-Ali, jaan-e-Fatimah
Kitna bara maqam janab-e-Hasan ka hai
خوشبوئے مصطفےٰ کا یہ اعجاز دیکھیے
مہکا ہوا مشام جنابِ حسن کا ہے
Khushbu-e-Mustafa ka ye eijaaz dekhiye
Mehka hua masham janab-e-Hasan ka hai
تیرہ حدیثِ پاک روایت ہے آپ سے
بچپن میں یہ مقام جنابِ حسن کا ہے
Tera hadees-e-paak riwayat hai aap se
Bachpan mein ye maqam janab-e-Hasan ka hai
چھ ماہ کا وہ دورِ خلافت بتائے گا
کیا خوب انتظام جنابِ حسن کا ہے
Chhe maah ka woh dor-e-khilafat bataega
Kya khoob intezaam janab-e-Hasan ka hai
لاریب ہم شبیہِ رسولِ کریم ہیں
یہ وصف و احتشام جنابِ حسن کا ہے
La raib hum shabieh-e-Rasool-e-Kareem hain
Ye wasf o ehteshaam janab-e-Hasan ka hai
پشتِ رسول پر کبھی دوشِ رسول پر
واللہ کیا مقام جنابِ حسن کا ہے
Pusht-e-Rasool par kabhi dosh-e-Rasool par
Wallah kya maqam janab-e-Hasan ka hai
رضواں درِ ارم پہ یہ پوچھے تو کیا عجب
کیا یہ بشر غلام جنابِ حسن کا ہے
Rizwaan dar-e-ram pe ye poochhe to kya ajab
Kya ye bashar ghulaam janab-e-Hasan ka hai
جھولا جھلانے آتے تھے افلاک سے ملک
کس درجہ احترام جنابِ حسن کا ہے
Jhoola jhulaane aate the aflaak se malak
Kis darja ehtemaam janab-e-Hasan ka hai
نانی اگر ہیں بی بی خدیجہ ہماری ماں
نانا شہِ انام جنابِ حسن کا ہے
Nani agar hain Bibi Khadija humaari maan
Nana Shah-e-Inaam janab-e-Hasan ka hai
مولا علی کے بعد خلافت کے باب میں
کِھلتا ہوا سا نام جنابِ حسن کا ہے
Maula Ali ke baad khilafat ke baab mein
Khilta hua sa naam janab-e-Hasan ka hai
ورنہ کہاں شفیقؔ کہاں ان کی منقبت
یہ سارا اہتمام جنابِ حسن کا ہے
Warna kahaan Shafiq kahaan un ki manqabat
Ye saara ehtemaam janab-e-Hasan ka hai
Share This Naat
Share with friends and family
جب سے لبوں پہ نام جنابِ حسن کا ہے
شفیق ؔ رائے پوری