رحمتِ حق سایہ گُستر دیکھنا اور سوچنا
اِک نظر شہرِ پیمبرؐ دیکھنا اور سوچنا
Rehmat-e-Haq saayah gustar dekhna aur sochna
Ik nazar shehr-e-Paighambarؐ dekhna aur sochna
کس قدر روشن ہیں انساں کے لیے صدیوں کے رنگ
واد ی ء طابہ کے منظر دیکھنا اور سوچنا
Kis qadar roshan hain insaan ke liye sadiyon ke rang
Waadi-e-Taiba ke manzar dekhna aur sochna
اس کے ہوتے کس اُجالے کی ہے دنیا کو تلاش
سبز گنبد کو برابر دیکھنا اور سوچنا
Is ke hote kis ujale ki hai duniya ko talash
Sabz gumbad ko barabar dekhna aur sochna
سنگ بھی مہکے ہیں کیسی نکہتِ انفاس ہے
دیر تک محراب و منّبر دیکھنا اور سوچنا
Sang bhi mehke hain kaisi nukhat-e-unfas hai
Der tak mehrab o mimbar dekhna aur sochna
عاصیوں کو اُن کی چشمِ لطف رکھتی ہے عزیز
پیہم اپنا دامنِ تر دیکھنا اور سوچنا
Aasiyon ko un ki chashm-e-lutf rakhti hai aziz
Peham apna daaman-e-tar dekhna aur sochna
نرہتِ بُستانِ سلماں ، عظمت ِ صحنِ قبا
پاس جاکر، سرجھکا کر دیکھنا اور سوچنا
Narhat-e-bustaan-e-Salman, azmat e sehan-e-Quba
Paas jaa kar, sar jhuka kar dekhna aur sochna
ارضِ بدر، آثارِ خندق ، دامنِ کوہِ اُحد
ہر قدم پر شانِ داور دیکھنااور سوچنا
Arz-e-Badr, asaar-e-Khandaq, daaman-e-Koh-e-Uhd
Har qadam par shaan-e-Daavar dekhna aur sochna
Share This Naat
Share with friends and family
رحمتِ حق سایہ گُستر دیکھنا اور سوچنا
حفیظ تائب