رسولِ اُمّی جسے آشنائے راز کرے
جہانِ علم و خرد کیوں نہ اس پہ ناز کرے
Rasul-e-Ummi jise aashna-e-raaz kare
Jahan-e-ilm o khirad kyon na us pe naaz kare
اگر نگاہِ کرم اک شہِ حجاز کرے
پلک جھپکنے میں عاصی کو پاکباز کرے
Agar nigah-e-karam ek shah-e-Hijaz kare
Palak jhapkne mein aasi ko pakbaz kare
سوائے نعتِ شہِ عرش کیا ہے صنفِ ادب ؟
نشیبِ لفظ و معانی کو جو فراز کرے
Siwaye naat-e-shah-e-arsh kya hai sanf-e-adab?
Nasheeb-e-lafz o ma’ani ko jo faraz kare
مُرادِ حرفِ ’’کَفَینَاک‘‘ سے ہے ربط ہمیں
مجال کیا ہے عدو کی جو ساز باز کرے
Murad-e-harf-e “Kafainak” se hai rabt humein
Majal kya hai adu ki jo saaz baaz kare
مہک رہا ہو نہ کیوں خارِ فن برنگ گلاب
ثنائے جانِ گلستاں جو سرفراز کرے
Mehak raha ho na kyon khar-e-fan barang-e-gulab
Sana-e-jan-e-gulistan jo sarfaraz kare
جسے نصیب ہو مُختارِ مَحو و ثَبت سے ربط
’’وہ اپنی خوبیِٔ قسمت پہ کیوں نہ ناز کرے‘‘
Jise naseeb ho Mukhtar-e-mahw o sabt se rabt
“Wo apni khubi-e-qismat pe kyon na naaz kare”
ہے جس کا نقشِ قدم پَتّھروں پہ ، اس کے طفیل
دلِ حجر کو بھی میرا سخن گداز کرے
Hai jis ka naqsh-e-qadam patthron pe, us ke tufail
Dil-e-hajar ko bhi mera sakhan godaaz kare
اُسے سکندر و قیصر خراج دیتے ہیں
گدائے درگہِ احمد جسے مُجاز کرے
Use Sikandar o Qaesar kharaj dete hain
Gada-e-dargah-e-Ahmed jise mujaaz kare
کرم جو گیسوئے سرور کرے تو کیوں دنیا
اسیرِ دامِ معاصی و حرص و آز کرے ؟
Karam jo gesu-e-Sarwar kare to kyon duniya
Aseer-e-daam-e-maasi o hirs o aaz kare?
ہے فرض ناقدِ دوراں کا ، بر تمام اصناف
ثنائے اَفصحِ عالَم کا امتیاز کرے
Hai farz naqad-e-doriyan ka, bar tamaam asnaf
Sana-e-afsah-e-aalam ka imtiyaaz kare
ہے عفو خو شہِ والا کی رحمتِ بے حد
ذرا سی ہمتِ مردانہ حیلہ ساز کرے
Hai afw khu shah-e-wala ki rehmat-e-ba-had
Zara si himmat-e-mardana heela saaz kare
فرازِ عرش صبا کو کہے ، پسِ مردن
کہ میرے لاشے کو خاکِ رہِ حجاز کرے
Faraz-e-arsh saba ko kahe, pas-e-mardan
Ke mere lashe ko khaak-e-rah-e-Hijaz kare
شبِ طویل بلاؤں کی مختصر ہو ابھی
اگر ظہور کوئی گیسوئے دراز کرے
Shab-e-taweel balawon ki mukhtasir ho abhi
Agar zuhoor koi gesu-e-daraaz kare
ہے صدقہ صاحبِ معراج کا ہر اک رفتار
نظامِ بَرق ہو ، پرواز یا جہاز کرے
Hai sadqa sahib-e-Meraj ka har ek raftaar
Nizam-e-barq ho, parwaaz ya jahaz kare
وہ دو جہاں میں نہ کیوںکر سدا مُعَظم ہو
درِ حضور پہ خم جو سرِ نیاز کرے
Wo do jahan mein na kyonkar sada moazzam ho
Dar-e-huzoor pe kham jo sar-e-niyaaz kare
Share This Naat
Share with friends and family
رسولِ اُمّی جسے آشنائے راز کرے
معظم سدا معظم مدنی