رسولِ پاک کے پیارے صحابہ
سبھی ہیں جنتی پیارے صحابہ
Rasool-e-pak ke pyare sahaba
Sabhi hain jannati pyare sahaba
ابوبکر و عمر عثمان و حیدر
مراتب میں ہیں یہ اونچے صحابہ
Abubakr o Umar Usman o Haidar
Maratib mein hain yeh oonche sahaba
خداسے وہ خدا اُن سے ہے راضی
یہ مُژدہ پاگئے حق سے صحابہ
Khuda se woh khuda un se hai razi
Yeh mujda pa gaye haq se sahaba
وہ دل سے جانِثارانِ نبی تھے
خدا کے دِین پر صدقے صحابہ
Woh dil se jan-nisharan-e-nabi the
Khuda ke deen par sadqe sahaba
احادیثِ نبی کے تھے مُحافِظ
ہدایت کے ہیں سرچشمے صحابہ
Ahadees-e-nabi ke the muhafiz
Hidayat ke hain sarchashme sahaba
نبی سے تھا اُنہیں کچھ پیار ایسا
کہ تن من دھن لُٹاتے تھے صحابہ
Nabi se tha unhein kuch pyar aisa
Ke tan man dhan lutate the sahaba
جو فرماتے شہنشاہِ دو عالم
بڑے ہی شوق سے سُنتے صحابہ
Jo farmate shahenshah-e-do-aalam
Bade hi shauq se sunte sahaba
ہو جنگِ بدر یا غزوہ اُحد کا
شُجاعت میں رہے آگے صحابہ
Ho jang-e-Badr ya ghazwa Uhud ka
Shujaat mein rahe aage sahaba
وہ مکّی دور ہو یا دورِ مدنی
رہے دیں کا علم تھامے صحابہ
Woh Makki dour ho ya dour-e-Madni
Rahe deen ka ilm thame sahaba
قُطب ابدال بھی نہ پاسکیں گے
کہ اُس رُتبے پہ ہیں پہنچے صحابہ
Qutb abdaal bhi na pa saken ge
Ke us rutbe pe hain pahunche sahaba
نہ بھٹکے گا چلے جو ان کے پیچھے
ہدایت کے ہیں وہ تارے صحابہ
Na bhatke ga chale jo un ke peeche
Hidayat ke hain woh tare sahaba
نجاتِ دائمی اُن کا مُقدر
نہ مُنہ دوزخ کا دیکھیں گے صحابہ
Nijat-e-daimi un ka muqaddar
Na munh dozakh ka dekhen ge sahaba
مُقدر کے دھنی کیوں کر نہ ہوتے
رُخِ سرکار تھے تکتے صحابہ
Muqaddar ke dhani kyon kar na hote
Rukh-e-sarkar the takte sahaba
اے مرزا تم یہی رکھنا عقیدہ
سبھی ذی شان ہیں اُن کے صحابہ
Ae Mirza tum yahi rakhna aqeeda
Sabhi zi shan hain un ke sahaba
Share This Naat
Share with friends and family
رسولِ پاک کے پیارے صحابہ
مرزا جاوید بیگ عطاری