حسین ابنِ علی ماہِ مطلعِ ارشاد
حق آشنا و شہادت مآب و رحمت زاد
Husayn Ibn-e-Ali maah-e-matla-e-irshaad
Haq aashna o shahadat maab o rehmat zad
حسین مشہدِ تسلیم کا جلال و جمال
چمن طراز و صبا مژدہ و بہار ایجاد
Husayn mashhad-e-tasleem ka jalaal o jamaal
Chaman taraaz o saba mujda o bahar ijaad
حسین حریت آموز و زندگی افروز
امامِ عصر، سفیرِ بقا ، امیر معاد
Husayn hurriyat aamoze o zindagi afroze
Imam-e-asr, safeer-e-baqa, ameer maad
حسین ابنِ علی سَر و خُو ، سپہر وقار
حسین ابنِ علی ماہ رُو، گلاب نہاد
Husayn Ibn-e-Ali sar o khu, sepehr waqaar
Husayn Ibn-e-Ali maah ru, gulaab nahaad
حسین سیّدِ شُبّانِ جنتِ فردوس
وہ جس کی تیغ نے توڑا طلسمِ استبداد
Husayn Sayyid-e-shubban-e-jannat-e-firdous
Wo jis ki tegh ne toda talism-e-istibdaad
وہ جس کے غم سے عبارت بہارِ فکر و نظر
وہ برگِ صبر، وہ بارِ رضا ، وہ نخلِ مراد
Wo jis ke gham se ibaarat bahaar-e-fikr o nazar
Wo barg-e-sabr, wo baar-e-raza, wo nakhl-e-muraad
وہ جس نے فکر کو بخشی عمل کی جولانی
وہ جس سے عزم کی دنیا ہے آج تک آباد
Wo jis ne fikr ko bakhshi amal ki jolaanee
Wo jis se azm ki duniya hai aaj tak aabaad
وہ جس کی یاد ہے روحِ جہاد و جانِ ثبات
وہ جس کے ذکر سے وابستہ ذہن و دل کی کشاد
Wo jis ki yaad hai ruh-e-jihad o jaan-e-sabaat
Wo jis ke zikar se waabasta zehan o dil ki kashaad
اساسِ ہدیہء تائبؔ ہے گفتہء غالبؔ
"حسین ابن علی آبروئے دانش و داد"
Asaas-e-hadiyah-e-Taib hai guftah-e-Ghalib
"Husayn Ibn-e-Ali aabru-e-danish o daad"
Share This Naat
Share with friends and family
حسین ابنِ علی ماہِ مطلعِ ارشاد
حفیظ تائب