رسائی میری اگر ہوگئی مدینے تک
پہنچ ہی جاؤں گا قربِ خدا کے زینے تک
Rasaai meri agar ho gayi Madine tak
Pohanch hi jaoon ga qurb-e-Khuda ke zine tak
احد کو پانے میں احمد کا عشق لازم ہے
پہنچ سکیں گے تبھی معرفت کے زینے تک
Ahad ko pane mein Ahmed ka ishq laazim hai
Pohanch saken ge tabhi ma'rifat ke zine tak
کیے بڑے بڑے دعوے گلاب و عنبر نے
نہ پہنچی مشک بھی سرکار کے پسینے تک
Kiye bare bare da'we gulaab o amber ne
Na pohnchi mushk bhi sarkar ke paseene tak
بس ایک بار ہی دیکھا ہے گنبدِ خضریٰ
رہے گا کیف وہی ساری عمر جینے تک
Bas ek baar hi dekha hai gunbad-e-khazra
Rahe ga kaif wahi sari umr jeene tak
ہمیں یقیں ہے کہ روحانیت کی ایک سرنگ
براہ راست ہے مارہرہ سے مدینے تک
Humein yaqeen hai ke roohaniyat ki ek surang
Barahe raast hai Marhara se Madine tak
انہیں جو خواب میں دیکھا تو خود کو بھول گئے
رہا نہ ہوش ہمیں پھر کئی مہینے تک
Unhein jo khwab mein dekha to khud ko bhool gaye
Raha na hosh humein phir kai maheene tak
پھر ایک دن ہوئی ان کی ہی اک نگاہِ کرم
درود لایا ہمیں ہوش کے قرینے تک
Phir ek din hui un ki hi ek nigah-e-karam
Durood laya humein hosh ke qareene tak
بس اب تو ساقیِ کوثر سے لَو لگائی ہے
کبھی تو آئے گا اک جام مجھ کمینے تک
Bas ab to saqi-e-kosar se lo lagai hai
Kabhi to aayega ek jaam mujh kameene tak
بھنور میں ہوں مگر آقا کے فضل پر شاکر
کنارے خود ہی چلے آئیں گے سفینے تک
Bhanwar mein hoon magar aaqa ke fazl par shakir
Kinare khud hi chale aayenge safeene tak
تمھارا عشق ہے صادق اگر تو اے نظمی
پہنچ ہی جاؤ گے ایک بار پھر مدینے تک
Tumhara ishq hai Sadiq agar to ae Nazmi
Pohanch hi jaoge ek baar phir Madine tak
Share This Naat
Share with friends and family
رسائی میری اگر ہوگئی مدینے تک
سید آل رسول حسنین میاں برکاتی نظمی