رنگ بہاراں تھاں تھاں سُٹّے
مان تران خزاں دے ٹُٹّے
Rang baharan thaan thaan suttay
Maan taran khazan day tuttay
بدّل خُوشیاں والے وَسّے
غم دے جنگل بیلے ہَسّے
Badal khushiyan walay wassay
Gham day jangal belay hassay
کھِڑیاں صِدق صفا دیاں کلیاں
مہکیاں دِل دیاں سُنجیاں گلیاں
Khiriyan sidq safa diyan kaliyan
Mehakiyan dil diyan sunjian galian
نُور خُدا دے پائی جھاتی
چانن دے وِچ دُنیا نہاتی
Noor Khuda day payee jhati
Chanan day vich duniya nahati
پُھٹیا سچیائی دا سُورج
جھم جھم کہ دا سجرا سُورج
Phutya sachiyai da sooraj
Jhum jhum keh da sajra sooraj
شُکر خُدا دا کسے وسیلے
سدھراں دے ہَتھ ہوئے پیلے
Shukar Khuda da kisay waseelay
Shahraan day hath hoyay peelay
ربّ سچّے نےکرم کمایا
پاک مُحمّدؐ جگ وِچ آیا
Rabb sachay nay karam kamaya
Paak Muhammad (SAW) jag vich aya
آیا بن کے ربّ دی رحمت
جاگی اِنساناں دی قسمت
Aya ban kay Rabb di rehmat
Jagi insanaan di qismat
مجبُوراں دِیاں سُنیاں گیّاں
مہجوراں دیاں سُنیاں گیّاں
Majbooran diyan suniyan giyaan
Mahjooran diyan suniyan giyaan
خوُش خبری مسکیناں تائیں
آیا سبھ دے سر دا سائیں
Khush khabri maskeenaan taai
Aya sabh day sar da saai
دردی سارے دُکھیاراں دا
ربّ دا بندہ جگ دا مولا
Dardi saray dukhiaraan da
Rabb da banda jag da maula
بچپن توں سچ بولن والا
دِل دیان گنڈھاں کھولن والا
Bachpan toon sach bolan wala
Dil dian gandhan kholan wala
پتّھر کھا کے دوے دُعا واں
اُسدے خُلق توں صَد قے جاواں
Patthar kha kay duay duaan
Usday khuluq toon sadqay jawaan
پڑھدا اُس تے لُوں لُوں دَم دَم
صَلَّی اللہُ عَلَیْہِ وَسَلّم
Parhda us tay loon loon dam dam
SALLALLAHU ALAIHI WA SALLAM
Share This Naat
Share with friends and family
رنگ بہاراں تھاں تھاں سُٹّے
حفیظ تائب