رات دن اُن کے کرم کے گیت ہم گاتے رہے
بے طلب بخشش ہوئی ہم بے سبب پاتے رہے
Raat din un ke karam ke geet hum gaate rahe
Be talab bakhshish hui hum be sabab paate rahe
اپنی بد اعمالیوں پر ہم تو شرماتے رہے
اور کرم پر ہی کرم سرکارؐ فرماتے رہے
Apni bad aamaaliyon par hum to sharmaate rahe
Aur karam par hi karam Sarkar (SAW) farmaate rahe
یہ کرم بھی بار ہا سرکارؐ فرماتے رہے
نعت میں لکھتا رہا سرکارؐ لکھواتے رہے
Yeh karam bhi baar ha Sarkar (SAW) farmaate rahe
Naat mein likhta raha Sarkar (SAW) likhwaate rahe
صاحبِ معراجؐ کی نسبت مدینہ بن گئی،
ہم تصور میں وہاں آتے رہے جاتے رہے
Saahib-e-Miraj (SAW) ki nisbat Madina ban gayi,
Hum tasawwur mein wahan aate rahe jaate rahe
جب سے آغوشِ کرم میں لے لیا سرکارؐ نے
جس قدر طوفان اُٹھے مجھکو راس آتے رہے
Jab se aaghosh-e-karam mein le liya Sarkar (SAW) ne
Jis qadar toofaan uthe mujhko raas aate rahe
رات بھر جشنِ چراغاں ہی رہا اشکوں کی خیر
آپکی یادوں میں ڈھل کر نور برساتے رہے
Raat bhar jashn-e-chiraghan hi raha ashkon ki khair
Aap ki yaadon mein dhal kar noor barsaate rahe
وہ مری فریاد سے پہلے مدد کو آگئے
اور ہونگے وہ جنہیں حالات تڑپاتے رہے
Woh meri faryaad se pehle madad ko aagaye
Aur honge woh jinhen haalaat tarpaate rahe
ان پہ اتراؤ کنارے سے لگائیں گے وہی
ڈوب جاؤ گے اگر غیروں پہ اِ تراتے رہے
Un pe itraao kinaare se lagaayenge wahi
Doob jaoge agar ghayron pe itraate rahe
کچھ نہ تھا مقصود دیدارِ محمدؐ کے سوِا
ان کے دیوانے ہر اک منصب کو ٹھکراتے رہے
Kuch na tha maqsood deedaar-e-Mohammad (SAW) ke siwa
Un ke deewane har ik mansab ko thukraate rahe
ان کی نسبت نے سرِ ساحل مجھے پہنچا دیا
گو کئی طوفاں مری کشتی سے ٹکراتے رہے
Un ki nisbat ne sar-e-saahil mujhe pohncha diya
Go kai toofaan meri kashti se takraate rahe
رحمتًہ لِلّعٰالَمیں کی شانِ رحمت کے نِثار
دشمنوں پر بھی کرم سرکارؐ فرماتے رہے
Rehmatullil-Alameen ki shaan-e-rehmat ke nisaar
Dushmanon par bhi karam Sarkar (SAW) farmaate rahe
ذکرِ محبوبؐ خدا کا فیض ہے خالدؔ کہ ہم
نعت سے عشاّق کی محفل کو مہکاتے رہے
Zikr-e-Mahboob (SAW) Khuda ka faiz hai Khalid keh hum
Naat se aashiqon ki mehfil ko mehakaate rahe
Share This Naat
Share with friends and family
رات دن اُن کے کرم کے گیت ہم گاتے رہے
خالد محمود خالد