راہ پُرخار ہے کیا ہونا ہے
پاؤں افگار ہے کیا ہونا ہے
Rah-e-purkhar hai kya hona hai
Paaon afgar hai kya hona hai
خشک ہے خون کہ دشمن ظالِم
سخت خونخوار ہے کیا ہونا ہے
Khushk hai khoon keh dushman zaalim
Sakht khoonkhar hai kya hona hai
ہم کو بِد کر وہی کرنا جس سے
دوست بیزار ہے کیا ہونا ہے
Hum ko bid kar wohi karna jis se
Dost bezaar hai kya hona hai
تن کی اب کون خبر لے ہے ہے
دِل کا آزار ہے کیا ہونا ہے
Tan ki ab kaun khabar le hai hai
Dil ka aazar hai kya hona hai
میٹھے شربت دے مسیحا جب بھی
ضِد ہے اِنکار ہے کیا ہونا ہے
Meethay sharbat de Maseeha jab bhi
Zid hai inkaar hai kya hona hai
دل کہ تیمار ہمارا کرتا
آپ بیمار ہے کیا ہونا ہے
Dil keh teemar humara karta
Aap bemaar hai kya hona hai
پَر کٹے تنگ قَفَس اور بُلبُل
نو گرفتار ہے کیا ہونا ہے
Par katay tang qafas aur bulbul
No giraftaar hai kya hona hai
چھپ کے لوگوں سے کیے جس کے گناہ
وہ خبردار ہے کیا ہونا ہے
Chup ke logon se kiye jis ke gunah
Woh khabardar hai kya hona hai
ارے او مجرم بے پَروا دیکھ
سر پہ تلوار ہے کیا ہونا ہے
Aray o mujrim be parwa dekh
Sar pe talwaar hai kya hona hai
تیرے بیمار کو میرے عیسیٰ
غش لگاتار ہے کیا ہونا ہے
Tere bemaar ko mere Aisa
Ghash lagatar hai kya hona hai
نفس پُر زور کا وہ زور اور دِل
زیر ہے زار ہے کیا ہونا ہے
Nafs pur zor ka woh zor aur dil
Zer hai zaar hai kya hona hai
کام زِنداں کے کیے اور ہمیں
شوقِ گلزار ہے کیا ہونا ہے
Kaam zindaan ke kiye aur humein
Shauq-e-gulzar hai kya hona hai
ہائے رے نیند مسافر تیری
کُوچ تیّار ہے کیا ہونا ہے
Haaye re neend musafir teri
Kooch tayaar hai kya hona hai
دُور جانا ہے رہا دِن تھوڑا
راہ دُشوار ہے کیا ہونا ہے
Door jana hai raha din thora
Rah dushwaar hai kya hona hai
گھر بھی جانا ہے مُسافر کہ نہیں
مت پہ کیا مَار ہے کیا ہونا ہے
Ghar bhi jana hai musafir ke nahi
Mat pe kya maar hai kya hona hai
جان ہَلکان ہوئی جاتی ہے
بار سا بار ہے کیا ہونا ہے
Jaan halkaan hui jaati hai
Baar sa baar hai kya hona hai
پار جانا ہے نہیں مِلتی ناؤ
زَور پر دَھار ہے کیا ہونا ہے
Paar jana hai nahi milti nao
Zor par dhaar hai kya hona hai
راہ تو تیغ پر اور تلووں کو
گِلۂ خار ہے کیا ہونا ہے
Rah to tegh par aur talwon ko
Gila-e-khar hai kya hona hai
روشنی کی ہمیں عادَت اور گھر
تیرئہ و تار ہے کیا ہونا ہے
Roshni ki humein aadat aur ghar
Tireah o taar hai kya hona hai
بیچ میں آگ کا دَریا حائِل
قصد اس پار ہے کیا ہونا ہے
Beech mein aag ka darya haail
Qasd us paar hai kya hona hai
اس کڑی دُھوپ کو کیوں کر جھیلیں
شعلہ زَن نار ہے کیا ہونا ہے
Is kadhi dhoop ko kyun kar jheelen
Shola zan naar hai kya hona hai
ہائے بِگڑی تو کہاں آ کر ناؤ
عین منجدھار ہے کیا ہونا ہے
Haaye bigri to kahan aa kar nao
Ain manjhdhaar hai kya hona hai
کل تو دیدار کا دن اور یہاں
آنکھ بے کار ہے کیا ہونا ہے
Kal to deedaar ka din aur yahan
Aankh bekaar hai kya hona hai
مُنھ دکھانے کا نہیں اور سحر
عام دَربار ہے کیا ہونا ہے
Muhn dikhana ka nahi aur seher
Aam darbaar hai kya hona hai
ان کو رَحم آئے تو آئے ورنہ
وہ کڑی مار ہے کیا ہونا ہے
Un ko rehm aaye to aaye warna
Woh kadhi maar hai kya hona hai
لے وہ حاکِم کے سپاہی آئے
صبح اظہار ہے کیا ہونا ہے
Le woh hakim ke sipahi aaye
Subah izhaar hai kya hona hai
واں نہیں بات بنانے کی مجال
چارہ اِقرار ہے کیا ہونا ہے
Waan nahi baat banane ki majaal
Chaara iqraar hai kya hona hai
ساتھ والوں نے یہیں چھوڑ دیا
بے کسی یار ہے کیا ہونا ہے
Saath walon ne yahin chhor diya
Bekasi yaar hai kya hona hai
آخری دید ہے آؤ مِل لیں
رنج بے کار ہے کیا ہونا ہے
Aakhri deed hai aao mil lein
Ranj bekaar hai kya hona hai
دل ہمیں تم سے لگانا ہی نہ تھا
اب سفر بار ہے کیا ہونا ہے
Dil humein tum se lagana hi na tha
Ab safar baar hai kya hona hai
جانے والوں پہ یہ رونا کیسا
بندہ ناچار ہے کیا ہونا ہے
Jaane walon pe yeh rona kaisa
Banda nachaar hai kya hona hai
نزع میں دھیان نہ بٹ جائے کہیں
یہ عبث پیار ہے کیا ہونا ہے
Naz'a mein dhyaan na bat jaaye kahin
Yeh abas pyaar hai kya hona hai
اس کا غم ہے کہ ہر اک کی صورت
گلے کا ہار ہے کیا ہونا ہے
Us ka gham hai keh har ek ki soorat
Gale ka haar hai kya hona hai
باتیں کچھ اور بھی تم سے کرتے
پر کہاں وار ہے کیا ہونا ہے
Baatain kuch aur bhi tum se karte
Par kahan waar hai kya hona hai
کیوں رضاؔ کُڑھتے ہو ہنستے اُٹھو
جب وہ غفّار ہے کیا ہونا ہے
Kyun Raza kurrhate ho hanste uthho
Jab woh ghaffar hai kya hona hai
Share This Naat
Share with friends and family
راہ پُرخار ہے کیا ہونا ہے
احمد رضا خان بریلوی