قلم کو ذوقِ نعت بھی ہے شوقِ احتیاط بھی
وَرَق وَرَق پہ لکھ رہا ہے خُلدکی صِراط بھی
Qalam ko zauk-e-naat bhi hai shauq-e-ahteyaat bhi
Waraq waraq pe likh raha hai khuld ki sirat bhi
دیارِ نُور میں ہیں دونوں کیفیات اوج پر
غمِ فراق بھی حضُوریوں کا اِنبساط بھی
Diyar-e-noor mein hain dono kefiyat aoj par
Gham-e-firaq bhi huzuriyon ka inbasat bhi
بڑھا رہی ہے اُن کی یاد اِشتیاقِ دید کو
خیالِ شاہِ محترم ہے باعثِ نِشاط بھی
Barha rahi hai unki yaad ishtiaq-e-deed ko
Khayaal-e-shah-e-muhtaram hai baais-e-nishaat bhi
ہر ایک سوچ مُرتکز ہے کوئے مُشک بار پر
اسی سے میرا اُنس بھی ہے ربط و اِرتِباط بھی
Har aik soch murtaqiz hai koe mushk baar par
Isi se mera uns bhi hai rabt o irtibat bhi
بشر کو مل رہے ہیں سنگِ آستاں پہ مرتبے
وہیں پہ ہو رہا ہے قدسیوں سے اِختلاط بھی
Bashar ko mil rahe hain sang-e-aastan pe martabe
Wahin pe ho raha hai qadsiyon se ikhtilat bhi
کہیں نہ دامنِ رسُول چھوٹ جائے ہاتھ سے
حذر یہ راہِ مرگ ہے یہی ہے انحطاط بھی
Kahin na daman-e-rasool chhoot jaye haath se
Hazr yeh raah-e-marg hai yahi hai inhitata bhi
میں لائقِ حضور ایک حرف کر سکوں رقم
مجال بھی نہیں یہاں مری نہیں بساط بھی
Main laiq-e-huzur aik harf kar sakoon raqam
Majaal bhi nahi yahan meri nahi bisaat bhi
Share This Naat
Share with friends and family
قلم کو ذوقِ نعت بھی ہے شوقِ احتیاط بھی
اشفاق احمد غوری