دل میں ہو یاد تری گوشۂ تنہائی ہو
پھر تو خلوت میں عجب اَنجمن آرائی ہو
Dil mein ho yaad teri goshah-e-tanhai ho
Phir to khalwat mein ajab anjuman aaraai ho
آستانہ پہ تِرے سر ہو اَجل آئی ہو
اور اے جانِ جہاں تو بھی تماشائی ہو
Aastana pe tere sar ho ajal aai ho
Aur ae jaan-e-jahan tu bhi tamashai ho
خاکِ پامال غریبوں کو نہ کیوں زندہ کرے
جس کے دامن کی ہوا بادِ مسیحائی ہو
Khaak-e-pamaal ghareebon ko na kyun zinda kare
Jis ke daaman ki hawa baad-e-masihai ho
اُس کی قسمت پہ فدا تخت شہی کی راحت
خاکِ طیبہ پہ جسے چین کی نیند آئی ہو
Us ki qismat pe fida takht-e-shahi ki raahat
Khaak-e-taiba pe jise chain ki neend aai ho
تاج والوں کی یہ خواہش ہے کہ اُن کے دَر پر
ہم کو حاصل شرفِ ناصیہ فرسائی ہو
Taaj walon ki ye khwahish hai ke un ke dar par
Hum ko hasil sharaf-e-naasiya farasai ho
اِک جھلک دیکھنے کی تاب نہیں عالم کو
وہ اگر جلوہ کریں کون تماشائی ہو
Ik jhalak dekhne ki taab nahi aalam ko
Wo agar jalwa karein kaun tamashai ho
آج جو عیب کسی پر نہیں کھلنے دیتے
کب وہ چاہیں گے مری حشر میں رُسوائی ہو
Aaj jo aib kisi par nahi khulne dete
Kab wo chahain ge meri hashr mein ruswai ho
کیوں کریں بزمِ شبستانِ جناں کی خواہش
جلوۂ یار جو شمعِ شبِ تنہائی ہو
Kyun karein bazm-e-shabistan-e-jinaan ki khwahish
Jalwa-e-yaar jo shama-e-shab-e-tanhai ho
خِلْعَتِ مغفرت اس کے لئے رحمت لائے
جس نے خاکِ دَرِ شہ جائے کفن پائی ہو
Khil'at-e-magfirat us ke liye rehmat laaye
Jis ne khaak-e-dar-e-shah jaaye kafan paai ho
یہی منظور تھا قدرت کو کہ سایہ نہ بنے
ایسے یکتا کے لئے ایسی ہی یکتائی ہو
Yahi manzoor tha qudrat ko ke saya na bane
Aise yakta ke liye aise hi yaktai ho
ذِکرِ خدام نہیں مجھ کو بتا دیں دشمن
کوئی نعمت بھی کسی اَور سے گر پائی ہو
Zikr-e-khudaam nahi mujh ko bata dein dushman
Koi ni'mat bhi kisi aur se gar paai ho
جب اُٹھے دست ِاَجل سے میری ہستی کا حجاب
کاش اس پردہ کے اندر تری زیبائی ہو
Jab uthe dast-e ajal se meri hasti ka hijaab
Kaash is parda ke andar teri zebaai ho
دیکھیں جاں بخشیٔ لب کو تو کہیں خضر و مسیح
کیوں مَرے کوئی اگر ایسی مسیحائی ہو
Dekhein jaan bakhshi-e-lab ko to kehain Khizr o MasiH
Kyun mare koi agar aisi masihai ho
کبھی ایسا نہ ہوا اُن کے کرم کے صدقے
ہاتھ کے پھیلنے سے پہلے نہ بھیک آئی ہو
Kabhi aisa na hua un ke karam ke sadqe
Haath ke phailne se pehle na bheek aai ho
بند جب خوابِ اَجل سے ہوں حسن کی آنکھیں
اس کی نظروں میں ترا جلوۂ زیبائی ہو
Band jab khawab-e-ajjal se hon husn ki aankhein
Us ki nazron mein tera jalwa-e-zebaai ho
Share This Naat
Share with friends and family
دل میں ہو یاد تری گوشۂ تنہائی ہو
حسن رضا خان