پُکار مُجھ کو نہ دُنیا ، چلا ہُوں سُوئے رسُولؐ
تجھے تلاش مِری ، مُجھ کو جستجوئے رسُولؐ
Pukaar mujh ko na dunya, chala hoon soo'e Rasool ﷺ
Tujhe talaash meri, mujh ko jastajoo'e Rasool ﷺ
مَیں کیوں نفاذ قیامت کا انتظار کروں
مِری بہشت ہے شہرِ رسُولؐ کُوئے رسُولؐ
Main kyun nifaz e qiyamat ka intezaar karoon
Meri behisht hai shehar-e-Rasool ﷺ koo'e Rasool ﷺ
مَیں جب سے آپ کے دَر سے لپٹ کے آیا ہُوں
مِرے وجود میں رچ بس گئی ہے بُوئے رسُولؐ
Main jab se aap ke dar se lipat ke aaya hoon
Mere wajood mein rach bas gayi hai boo'e Rasool ﷺ
نقوشِ پائے مُحمّدؐ ، مِرا قبیلہ ہے
اور اس قبیلے کی سردار ، آرزُوئے رسُولؐ
Naqoosh e paaye Muhammad ﷺ, mera qabeela hai
Aur is qabeelay ki sardar, aarzoo'e Rasool ﷺ
تمام عُمر کے سجدوں کو غُسل کروا دُوں
جو دستیاب ہو اِک قطرہء وضوئے رسُولؐ
Tamam umr ke sajdon ko ghusl karwa doon
Jo dustiyab ho ik qatara e wuzu'e Rasool ﷺ
سماعتوں کی بھی معراج ہوتی رہتی ہے
مَیں سُنتا رہتا ہُوں قرآں سے گفتگو ئے رسُولؐ
Sama'aton ki bhi meraaj hoti rehti hai
Main sunta rehta hoon Qur'an se guftagu'e Rasool ﷺ
مَیں کیسے اُن کے خدوخال بھُول سکتا ہُوں
کِیا ہُوا ہے نگاہوں نے حِفظ ، رُوئے رسُولؐ
Main kaise un ke khudokhaal bhool sakta hoon
Kiya hua hai nigahon ne hifz, roo'e Rasool ﷺ
ضمیر و ذہن کو سیراب کرتی رہتی ہے
مِرے لہُو سے گُزرتی ہے آبجُوئے رسُولؐ
Zameer o zehan ko seeraab karti rehti hai
Mere lahoo se guzarti hai aabjoo'e Rasool ﷺ
ہتھیلیوں پہ مری مہر و ماہ رکھّے ہیں
کھڑا ہُوا ہُوں مظفؔر مَیں رُوبروئے رسُولؐ
Hatheliyon pe meri mehr o maah rakhe hain
Khada hua hoon Muzaffar main roobaroo'e Rasool ﷺ
Share This Naat
Share with friends and family
پُکار مُجھ کو نہ دُنیا
مظفر وارثی