اللہ غنی ، وہ بھی کیا ذاتِ گرامی ہے
محبوب ہے تُو جس کا ، تُو جس کا پیامی ہے
Allah ghani, woh bhi kya zat-e-grami hai
Mahboob hai tu jiska, tu jiska payaami hai
تُونے تو پہاڑوں کی تقدیر بدل ڈالی
ہر نقشِ قدم تیرا ، اک نقشِ دوامی ہے
Tunay to paharon ki taqdeer badal dalli
Har naqsh-e-qadam tera, aik naqsh-e-dwami hai
اُلفت کا پیمبر ہے ‘ رحمت کا سمندر ہے
کمزور کا ساتھی ہے ، مظلوم کا حامی ہے
Ulfat ka paimbar hai ' rehmat ka samandar hai
Kamzor ka saathi hai, mazloom ka haami hai
کونین کا ملجا ہے بندہ ، مگر آقا ہے
ہر علم کا مصدر ہے ،اُمّی ہے ، تہامی ہے
Konain ka malja hai banda, magar aaqa hai
Har ilm ka masdar hai, ummi hai, tahami hai
اقرارِ تعلق بھی اور مصلحت اندیشی
تضحیکِ محبت ہے توہینِ غلامی ہے
Iqrar-e-ta'alluq bhi aur maslehat andeshi
Tazheek-e-mohabbat hai tauheen-e-ghulami hai
سورج کی شعاعوں کو سورج سے جدا کرنا
افکار کی پستی ہے عرفان کی خامی ہے
Suraj ki shuaon ko suraj se juda karna
Afkar ki pasti hai irfan ki khaami hai
توصیفِ پیمبر کے آداب تو کیا جانے
اعظم کوئی سعدی ہے اعظم کوئی جامی ہے
Tauseef-e-paighambar ke adab to kya jaane
Azam koi Saadi hai Azam koi Jaami hai
Share This Naat
Share with friends and family
اللہ غنی ، وہ بھی کیا ذاتِ گرامی ہے
محمد اعظم چشتی