پہنچا ہوں روبروئے حرم صاحبِ حرم
فرمایئے نگاہِ کرم صاحبِ حرم
Pohcha hoon roobaruye haram sahib-e-haram
Fermayiye nigah-e-karam sahib-e-haram
ہر دم تو جہات کا طالب دلِ نزار
محتاجِ لطف دیدہ نم صاحبِ حرم
Har dam tu jahat ka talib dil-e-nazar
Mohtaj-e-lutf deeda nam sahib-e-haram
سامانِ اشک و آہ میسیّر ہو ہر گھڑی
کیف و سرور یوں ہو بہم صاحبِ حرم
Saman-e-ashk-o-aah mesele ho har ghari
Kaif-o-suroor yun ho ba-ham sahib-e-haram
خلقِ خد ا ہے نت نئے آشوب سے دو چار
رحمت مآب ، میرِ امم، صاحبِ حرم
Khalq-e-khuda hai nat naye ashoob se do char
Rehmat ma'ab, mir-e-umm, sahib-e-haram
امت حضورؐ کی ہے عجب ابتلاؤں میں
پہیم ہے اس پہ یورشِ غم صاحبِ حرم
Ummat huzoorؐ ki hai ajab ibtalaon mein
Paheem hai is pe yuresh-e-gham sahib-e-haram
دستِ دعا اٹھایئے ملّت کے واسطے
ٹوٹے حصارِ کرب و الم صاحبِ حرم
Dast-e-dua uthayiye millat ke wastay
Tootay hisar-e-karb-o-alam sahib-e-haram
تائبؔ ہوا ہے طالبِ رحمت جناب سے
ہو اب تو سدِّ بابِ ستم صاحبِ حرم
Taibؔ hua hai talib-e-rehmat janab se
Ho ab tu sadd-e-baab-e-sitam sahib-e-haram
Share This Naat
Share with friends and family
پہنچا ہوں روبروئے حرم صاحبِ حرم
حفیظ تائب