پھر پیش نظر سید عالم کا حرم ہے
یہ رب محمد کی عنایت ہے، کرم ہے
Phir paish-e-nazar Syed-e-Alam ka haram hai
Yeh Rab-e-Muhammad ki inayat hai, karam hai
پھر لب پہ مرے ذکرِ شہنشاہِ اُمم ہے
پھر زیر قدم عظمتِ اسکندر و جم ہے
Phir lab pe mere zikar-e-Shehenshah-e-Umam hai
Phir zer-e-qadam azmat-e-Iskandar o Jam hai
طیبہ کا سفر مرحلہ خوف و رجا ہے
ہونٹوں پہ تبسم ہے، مگر آنکھ تو نم ہے
Taybah ka safar marhala khauf o raja hai
Honton pe tabassum hai, magar aankh to nam hai
انساں کی قبا رنگ الہی سے مزین
یہ اُن کا کرم اُن کا کرم، اُن کا کرم ہے
Insaan ki qaba rang-e-Ilahi se muzayyan
Yeh un ka karam un ka karam, un ka karam hai
ہر صاحب ایمان کی دھڑکن میں محمد ﷺ
اُس ذات سے دوری کا تصور بھی ستم ہے
Har sahib-e-imaan ki dharkan mein Muhammad ﷺ
Us zaat se doori ka tasavvur bhi sitam hai
انسان کی وحدت ہے محمد کا کرشمہ
اس بزم میں تفریق عرب ہے نہ عجم ہے
Insaan ki wahdat hai Muhammad ka karishma
Is bazm mein tafreeq Arab hai na Ajam hai
وحشت کا ہر اک نقش بنا جلوہ تہذیب
رو داد یہ دیوار تمدن پر رقم ہے
Wahshat ka har ik naqsh bana jalwa tehzeeb
Ro daad yeh deewar-e-tamaddun par raqam hai
کشفی کے لئے نعت ہے تابوت سکینہ
سرکارِ دو عالم کے سوا کس کا کرم ہے
Kashfi ke liye naat hai taboot-e-Sakeena
Sarkaar-e-do-aalam ke siwa kis ka karam hai
Share This Naat
Share with friends and family
پھر پیش نظر سید عالم کا حرم ہے
ابو الخیر کشفی