پھر کے گلی گلی تباہ ٹھوکریں سب کی کھائے کیوں
دِل کو جو عقل دے خدا تیری گلی سے جائے کیوں
Phir ke gali gali tabah thokarein sab ki khaye kyun
Dil ko jo aql de Khuda teri gali se jaye kyun
رُخصتِ قافلہ کا شور غش سے ہمیں اُٹھائے کیوں
سوتے ہیں اُن کے سایہ میں کوئی ہمیں جگائے کیوں
Rukhsat-e-qafila ka shor ghash se humein uthaye kyun
Sote hain un ke saya mein koi humein jagaye kyun
بار نہ تھے حبیب کو پالتے ہی غریب کو
روئیں جو اَبْ نصیب کو چین کہو گنوائے کیوں
Bar na the Habib ko palte hi gareeb ko
Royen jo ab naseeb ko chain kaho gunwaye kyun
یادِ حُضور کی قسم غفلتِ عیش ہے سِتم
خُوب ہیں قیدِ غم میں ہم کوئی ہمیں چُھڑائے کیوں
Yaad-e-Huzoor ki qasam ghaflat-e-aish hai sitam
Khoob hain qaid-e gham mein hum koi humein chhuraye kyun
دیکھ کے حضرتِ غنی پھیل پڑے فقیر بھی
چھائی ہے اب تو چھاؤنی حشر ہی آنہ جائے کیوں
Dekh ke Hazrat-e Ghani phail pade faqeer bhi
Chhai hai ab to chhawni hashr hi aana jaye kyun
جان ہے عشقِ مصطفٰے روز فَزوں کرے خدا
جس کو ہو درد کا مزہ نازِ دوا اُٹھائے کیوں
Jaan hai ishq-e-Mustafa roz fazun kare Khuda
Jis ko ho dard ka maza naaz-e dawa uthaye kyun
ہم تو ہیں آپ دِل فِگار غم میں ہنسی ہے ناگوار
چھیڑ کے گُل کو نوبہار خون ہمیں رُلائے کیوں
Hum to hain aap dil figar gham mein hansi hai naagawar
Chhed ke gul ko nobahaar khoon humein rulaye kyun
یا تو یوں ہی تڑپ کے جائیں یا وہی دام سے چھڑائیں
مِنّت غیر کیوں اُٹھائیں کوئی ترس جتائے کیوں
Ya to yun hi tadap ke jayein ya wohi daam se chhudayein
Minnat ghair kyun uthayein koi taras jitate kyun
اُن کے جلال کا اثر دل سے لگائے ہے قمر
جو کہ ہو لوٹ زخم پر داغِ جگر مٹائے کیوں
Un ke jalaal ka asar dil se lagaye hai Qamar
Jo ke ho loot zakham par daagh-e-jigar mitaye kyun
خوش رہے گُل سے عندلیب خارِ حرم مجھے نصیب
میری بَلا بھی ذِکر پر پھول کے خار کھائے کیوں
Khush rahe gul se andaleeb khaar-e-haram mujhe naseeb
Meri bala bhi zikr par phool ke khaar khaye kyun
گردِ ملال اگر دُھلے دِل کی کلی اگر کِھلے
بَرق سے آنکھ کیوں جلے رونے پہ مسکرائے کیوں
Gard-e-malaal agar dhule dil ki kali agar khile
Barq se aankh kyun jale rone pe muskuraye kyun
جانِ سفر نصیب کو کس نے کہا مزے سے سو
کھٹکا اگر سحر کا ہو شام سے موت آئے کیوں
Jaan-e-safar naseeb ko kis ne kaha maze se so
Khatka agar sahar ka ho shaam se maut aaye kyun
اب تو نہ روک اے غنی عادتِ سگ بگڑ گئی
میرے کریم پہلے ہی لقمہ تر کھلائے کیوں
Ab to na rok ae Ghani aadat-e-sag bigad gayi
Mere Kareem pehle hi luqma tar khilaye kyun
راہِ نبی میں کیا کمی فرشِ بیاض دِیدہ کی
چادرِ ظل ہے مَلْگجی زیرِ قدم بچھائے کیوں
Raah-e-Nabi mein kya kami farsh-e-biaz deeda ki
Chadar-e-zill hai malgaji zer-e-qadam bichhaye kyun
سنگِ درِ حضور سے ہم کو خدا نہ صبر دے
جانا ہے سر کو جا چکے دل کو قرار آئے کیوں
Sang-e-dar-e-Huzoor se hum ko Khuda na sabr de
Jana hai sar ko ja chuke dil ko qarar aaye kyun
ہے تو رضاؔ نِرا سِتَم جُرم پہ گر لجائیں ہم
کوئی بجائے سوزِ غم سازِ طَرَب بجائے کیوں
Hai to Raza nira sitam jurm pe gar lajaein hum
Koi bajaye soz-e-gham saaz-e-tarab bajaye kyun
Share This Naat
Share with friends and family
پھر کے گلی گلی تباہ ٹھو کریں سب کی کھائے کیوں
احمد رضا خان بریلوی