پہلوں رب نے نعت سنائی میرے کملی والے دی
فِر ہے سی تصویر بنائی میرے کملی والے دی
Pehlyn Rab ne Naat sunai mere Kamli Walay di
Fir hai si tasveer banai mere Kamli Walay di
اپنے نُور دے جلوے سارے کر کے اِک تھاں اللہ نے
فیر تمام اُٹھان اُٹھائی میرے کملی والے دی
Apne Noor de jalwe saare kar ke ik thaan Allah ne
Fir tamaam uthaan uthai mere Kamli Walay di
دیواراں نوں عکس نبی دا کر مُتجلٰے دیندا سی
جگ نے ویکھی نور صفائی میرے کملی والے دی
Deewaraan nu aks Nabi da kar mutajalay dinda si
Jag ne wekhi Noor safai mere Kamli Walay di
کملی والا ملک خُدا دی مالک اسد اللہ اے
ایہہ ہے ساری ملک خُدائی میرے کملی والے دی
Kamli Wala Mulk Khuda di Maalik Asad Allah ae
Eh hai saari Mulk Khudai mere Kamli Walay di
وڈا بھائی آکھن والیا اینی گل تے دسی جا
ایہہ کِتھے تعریف ہے آئی میرے کملی والے دی
Wada bhai aankhan waliya aini gal te dasi ja
Eh kithy tareef hai ai mere Kamli Walay di
وحی یوحیٰ کہہ کے رب نے وِچ قُرآن مقدس دے
ہر گل اپنے ذمے لائی میرے کملی والے دی
Wahi Yuha keh ke Rab ne vich Quran Muqaddas de
Har gal apne zimay lai mere Kamli Walay di
رب توں رو رو کے بخشایا صائم اوہنے اُمت نوں
اس امت نے قدر کی پائی میرے کملی والے دی
Rab ton ro ro ke bakhshaya Saima ohne Ummat nu
Is Ummat ne qadr ki pai mere Kamli Walay di
Share This Naat
Share with friends and family
پہلوں رب نے نعت سنائی میرے کملی والے دی
علامہ صائم چشتی