پاتے تھے کل جہاں میں مظالم جفا فروغ
آئے حضورؐ امن و اماں کو ملا فروغ
Paate the kal jahan mein mazalim jafa farogh
Aaye Huzoorؐ aman o amaan ko mila farogh
تھی جس جگہ پرستشِ باطل عروج پر
حق آگیا وہاں پہ ہوا دین کا فروغ
Thi jis jagah parastish-e-batil urooj par
Haq aagaya wahan pe hua deen ka farogh
قابض تھی پہلے جہل و ضلالت کی تیرگی
اب پا رہی ہے علم و عمل کی ضیا فروغ
Qabiz thi pehle jahl o zalalat ki teeragi
Ab pa rahi hai ilm o amal ki diya farogh
رحمت کے پھول دشت و بیاباں میں کھل گئے
صحرا میں پا رہی ہے چمن کی فضا فروغ
Rehmat ke phool dasht o beaban mein khil gaye
Sehra mein pa rahi hai chaman ki faiza farogh
اب ہوگی حق کے نور سے تابندہ رہ گزر
اے عہدِ گمرہی تو بہت پا چکا فروغ
Ab hogi haq ke noor se tabinda reh guzar
Ae ehd-e-gumrahi tu bohot pa chuka farogh
وابستہ جب حضورؐ کے تلووں سے ہوگئے
ذرے زمیں کے پا گئے انجم نما فروغ
Wabasta jab Huzoorؐ ke talwon se hogaye
Zarre zameen ke pa gaye anjum numa farogh
برپا ہوا زمانے میں بے مثل انقلاب
انسانیت کو خُلقِ نبیؐ نے دیا فروغ
Barpa hua zamane mein be masl inqalab
Insaniyat ko khulq-e-Nabiؐ ne diya farogh
تفریقِ رنگ و نسل مٹائی حضورؐ نے
ہونے لگا جہاں میں مساوات کا فروغ
Tafreeq-e-rang o nasal mitai Huzoorؐ ne
Hone laga jahan mein masawat ka farogh
مدحِ رسولِ پاکؐ کا احسؔن یہ فیض ہے
پانے لگی ہے تیری یہ فکرِ رسا فروغ
Madh-e-Rasool-e-Pakؐ ka Ahsan yeh faiz hai
Pane lagi hai teri yeh fikr-e-rasa farogh
Share This Naat
Share with friends and family
پاتے تھے کل جہاں میں مظالم جفا فروغ
احسن اعظمی