پڑھوں وہ مَطلعِ نوری ثنائے مہرِ اَنور کا
ہو جس سے قلب روشن جیسے مَطلع مہرِ محشر کا
پadhon woh m'atla-e-noori sanae mehr-e-anwar ka
ho jis se qalb roshan jaise m'atla mehr-e-mahshar ka
سرِعرشِ عُلا پہنچا قدم جب میرے سروَر کا
زبانِ قدسیاں پر شور تھا اَللّٰہُ اَکْبَر کا
sar-e-'arsh-e-'ula pohncha qadam jab mere sarwar ka
zaban-e-qudsiyan par shor tha Allahu akbar ka
بنا عرشِ بریں مَسنَد کفِ پائے منور کا
خدا ہی جانتا ہے مرتبہ سرکار کے سر کا
bana 'arsh-e-bareen masnad kaf-e-pa-e-manowwar ka
khuda hi jaanta hai martaba sar-kar ke sar ka
دوعالم صدقہ پاتے ہیں مرے سرکار کے دَر کا
اسی سرکار سے ملتا ہے جو کچھ ہے مقدر کا
do 'alam sadqah pate hain mere sar-kar ke dar ka
isi sar-kar se milta hai jo kuch hai muqaddar ka
بڑے دَربار میں پہنچایا مجھ کو میری قسمت نے
میں صدقے جاؤں کیا کہنا مرے اَچھے مقدر کا
bade dar-bar mein pohnchaya mujh ko meri qismat ne
mein sadqe jaon kya kehna mere achhay muqaddar ka
ہے خشک و تر پہ قبضہ جس کا وہ شاہِ جہاں یہ ہے
یہی ہے بادشاہ بَر کا یہی سلطاں سمندر کا
hai khushk o tar pe qabsah jis ka woh shah-e-jahan yeh hai
yehi hai baadshah bar ka yehi sultan samandar ka
مٹے ظلمت جہاں کی نور کا تڑکا ہو عالم میں
نقابِ رُوئے اَنور اے مرے خورشید اب َسرکا
mite zulmat jahan ki noor ka tarkah ho 'alam mein
niqab-e-ru-e-anwar ae mere khurshid ab sar ka
ضیا بخشی تری سرکار کی عالم پہ روشن ہے
مہ و خورشید صدقہ پاتے ہیں پیارے ترے دَرکا
ziya bakhshi teri sar-kar ki 'alam pe roshan hai
mah-o-khurshid sadqah pate hain piyaare tere dar ka
نگاہِ مہر سے اپنی بنایا مہر ذَرّوں کو
الٰہی نور دِن دُونا ہو مہر ذَرَّہ پروَر کا
nigah-e-mehr se apni banaya mehr zarron ko
ilahi noor din doona ho mehr zarra parwar ka
طبق پر آسماں کے لکھتا میں نعتِ شہِ والا
قلم اے کاش مل جاتا مجھے جبریل کے پر کا
taqab par asmaan ke likhtta mein na'at-e-shah-e-ala
qalam ae kash mil jata mujhe jibreel ke par ka
مقابل ان کے ذَرَّہ کے ذرا سا منہ نکل آیا
بہت شہرہ سنا کرتے تھے ہم خورشیدِ محشر کا
muqabil un ke zarrah ke zara sa munh nikal aya
bohot shehra suna karte the hum khurshid-e-mahshar ka
جمالِ حق نما دیکھیں عیاں نورِ خدا پائیں
کلیم آئیں ہٹا دیکھیں ذرا پردہ ترے دَر کا
jamaal-e-haq numa dekhein 'ayaan noor-e-khuda payen
kaleem aayein hata dekhein zara pardah tere dar ka
نہ سایہ رُوح کا ہرگز نہ سایہ نور کا ہرگز
تو سایہ کیسا اس جانِ جہاں کے جسمِ اَنور کا
na saaya ruuh ka hargiz na saaya noor ka hargiz
to saaya kaisa is jaan-e-jahan ke jism-e-anwar ka
وہ آئینہ اگر دیکھیں تو اپنے آپ کو دیکھیں
کہاں ہے آئینہ میں اور کوئی ان کے برابر کا
woh aaina agar dekhein to apne aap ko dekhein
kahan hai aaina mein aur koi un ke barabar ka
محالِ عقل ہے ترا مماثل اے مرے سروَر
توہُّم کر نہیں سکتا ہے عاقل تیرے ہم سر کا
muhaal-e-'aql hai tera mumasil ae mere sarwar
tohumm kar nahi sakta hai 'aqil tere hum sar ka
خدا شاہد رضا کا آپ کی طالب خدا ہوگا
تَعَالَی اللہ رُتبہ میرے حامی میرے یاوَر کا
khuda shahid Raza ka aap ki taalib khuda hoga
ta'ala Allah rutbah mere haami mere yavar ka
دَبا جاتا پجا جاتا ہوں میں آقا دُہائی ہے
یہ بھاری بوجھ عصیاں کا مرے سر کا ذرا سرکا
daba jata puja jata hoon mein Aqa duhayi hai
yeh bhaari bojh 'isyawn ka mere sar ka zara sar ka
بجھے گی شربتِ دِیدار ہی سے تشنگی اپنی
تمہاری دِید کا پیاسا ہوں یوں پیاسا ہوں کوثر کا
bujhe gi sharbat-e-deedaar hi se tishnagi apni
tumhari deed ka piyaasa hoon yoon piyaasa hoon Kosar ka
زباں پر جم گئے کانٹے ہے سارا حلق خشک اپنا
شہیدِ کربلا کا صدقہ دو اِک جام کوثر کا
zaban par jam gaye kante hai sara halaq khushk apna
shaheed-e-Karbala ka sadqah do ik jaam Kosar ka
کمی کچھ بھی خزانے میں تمہارے ہو نہیں سکتی
تمہیں حق نے عطا فرما دیا جب چشمہ کوثر کا
kami kuch bhi khazane mein tumhare ho nahi sakti
tumhein haq ne 'ata farma diya jab chashmah Kosar ka
جو آب و تابِ دَندانِ منور دیکھ لوں نوریؔ
مرا بحرِ سخن سر چشمہ ہو خوش آب گوہر کا
jo aab-o-taab-e-dandan-e-manowwar dekh loon Noori
mera bahr-e-sukhan sar chashmah ho khush aab gohar ka
Share This Naat
Share with friends and family
پڑھوں وہ مَطلعِ نوری ثنائے مہرِ اَنور کا
مفتی مصطفٰی رضا خان