پاک نبی دے ناں دا سکہ دو عالم وچ چلدا رہنا
اوہدے صدقے قہر الہی دُنیا اُتوں ٹل دا رہنا
Pak nabi de naan da sikka do alam vich chalda rehna
Ode sadqe qahr elahi duniya utton talda rehna
دل میرے وچ بلدے رہندے بھانبڑ سدا جدائیاں والے
یاد اوہدی وچ میری اکھ چوں اک اک اتھرو ڈھل دا رہنا
Dil mere vich balde rehnde bhanbhr sada judaian wale
Yad ohdi vich meri akh cho ak ak athru dhlda rehna
لکھ طوفاں ہنیریاں آون لکھ بجھاوے ظالم دنیا
آپ دی یاد دا دیوا ساڈے دل دے اندر بل دا رہنا
Lakh tofan hanerian avan lakh bujhave zalim duniya
Aap di yad da deewa sade dil de andar balda rehna
جد تک رہتی دنیا اوہدے ناں دیاں بانگاں ملدیاں رہنیاں
پیندا مُل ہر دور دے اندر اوہدی اک اک گل دا رہنا
Jad tak rehti duniya ohde naandiyaan bahayngaan meldiyaan rheeniyaan
Peenda mul har dor de andar ohdi ak ak gulda rehna
ناں شبیر دا لے کے عاشق دیندے رہن گے خون ہمیشہ
محشر تیکر دین اسلام دا بوٹا پُھل دا پھلدا رہنا
Naan Shabbir da leke aashiq deenday rehn ge khoon humesha
Mahshar teekra deen Islam da boota phulda phulda rehna
عاشق میرے پاک نبی دے ہندے رہن گے سدا زیادہ
اک اک کر کے کُل زمانہ اس سنگت وچ رلدا رہنا
Aashiq mere pak nabi de hunday rehn ge sada zyada
Ak ak karke kul zamana is sangat vich ralda rehna
صائم صدقہ نعت دا ہر اک نعمت رب توں ملدی رہنی
نعت دے صدقے نبی دے در توں ٹبر میرا پلدا رہنا
Sa'im sadqa naat da har ak ne'mat Rab ton meldi rehni
Naat de sadqe nabi de dar ton tabbar mera palda rehna
Share This Naat
Share with friends and family
پاک نبی دے ناں دا سکہ دو عالم وچ چلدا رہنا
علامہ صائم چشتی