اُہدی نجات دا سامان معتبر ہووے
جہدے نصیب چ طیبہ دی رہگذر ہووے
Uhdi najat da samaan motabar hoove
Jehde naseeb ch Taiba di rehguzar hoove
مدینے پاک توں دوری ہے موت توں اوکھی
حیات ہووے تے طیبہ دا پھر نگر ہووے
Madiyne pak toon doori hai maut toon okhi
Hayaat hoove te Taiba da pher nagar hoove
قدم قدم تے میں سجدے کراں سلام کراں
مرے نصیباں چ طیبہ دا جے سفر ہووے
Qadam qadam te mai sajde karaa salam karaa
Mere naseeban ch Taiba da je safar hoove
کسے دے واسطے راہ حیات نہیں اوکھی
مدینے پاک دے والی دی جے نظر ہووے
Kise de wastay raah hayaat nahi okhi
Madiyne pak de wali di je nazar hoove
نماز عشق ادا کر کے میں وی ویکھ لواں
رسول پاک دی چوکھٹ تے میرا سر ہووے
Namaz ishq ada kar ke mai vi wekh lawaa
Rasool pak di chokhat te mera sar hoove
کدی وی خطرے چ ایمان پئے نہیں سکدا
نبی دا عشق جے سینے چ جلوہ گر ہووے
Kadi vi khatre ch imaan paaye nahi sakda
Nabi da ishq je seene ch jalwah gar hoove
نبی دی نعت میں لکھدا سدا رہواں صائ
نبی دی یاد چ بس زندگی بسر ہووے
Nabi di naat mai likhda sada rahwaan Saai
Nabi di yaad ch bas zindagi basar hoove
Share This Naat
Share with friends and family
اُہدی نجات دا سامان معتبر ہووے
علامہ صائم چشتی