نور والا آیا ہے ہاں نور لیکر آیا ہے
سارے عالم میں یہ دیکھو نور کیسا چھایا ہے
Noor wala aya hai haan noor lekar aya hai
Saare aalam mein yeh dekho noor kaisa chhaya hai
چار جانِب روشنی ہے سب سماں ہے نور نور
حق نے پیدا آج اپنے پیارے کو فرمایا ہے
Chaar jānib roshni hai sab sama hai noor noor
Haq ne paida aaj apne pyare ko farmaya hai
آؤ آؤ نور کی خیرات لینے کو چلیں
نور والا آمِنہ بی بی کے گھر میں آیا ہے
Aao aao noor ki khairat lene ko chalen
Noor wala Aminah Bibi ke ghar mein aya hai
آگے پیچھے دائیں بائیں نور ہے چاروں طرف
آ گیا ہے نور والا، نور والا آیاہے
Aage peechhe daayeen baayeen noor hai chaaron taraf
Aa gaya hai noor wala, noor wala aya hai
ہو رہی ہیں چار جانب بارشیں انوار کی
چھا گئی نَکہَت گُلوں پر ہر شَجَر اِٹھلایا ہے
Ho rahi hain chaar janib baarishen anwaar ki
Chha gayi nikhhat gulon par har shajar ithlaaya hai
ذرَّہ ذرَّہ جگمگایا ہر طرف آیا نکھار
گویا ساری ہی فضا کو نور میں نَہلایا ہے
Zarra zarra jagmagaya har taraf aya nikhar
Goya saari hi fiza ko noor mein nahiya hai
نور والے کے رُخِ روشن کی کیا تعریف ہو
چِہرۂ انور کے آگے چاند بھی شرمایا ہے
Noor wale ke rukh-e-roshan ki kya tareef ho
Chehray Anwar ke aage chaand bhi sharmaaya hai
چھت پہ کعبے کی اُتَر کر حکمِ ربِّ پاک سے
حضرتِ جِبریل نے جھنڈا وہاں لہرایا ہے
Chhat pe Ka'be ki utar kar hukum-e-Rab-e-Paak se
Hazrat-e-Jibrail ne jhanda wahan lehraaya hai
چار سُو چھائی ہوئی تھیں کُفر کی تاریکیاں
تم نے آ کر نور سے سَنسار کو چمکایا ہے
Chaar soo chhaayi hui thein kufr ki taareekiyan
Tum ne aa kar noor se sansar ko chamkaya hai
جوں ہی آمد ماہِ میلادِ مبارک کی ہوئی
اہلِ ایماں جھوم اُٹھے شیطاں کو غصّہ آیاہے
Joon hi aamad maah-e-meelad-e-mubarak ki hui
Ahl-e-iman jhoom uthe shitān ko gussa aya hai
جب اندھیرے گھر میں آئے نور سے گھر بھر گیا
گمشدہ سُوئی کو بی بی عائشہ نے پایا ہے
Jab andhere ghar mein aaye noor se ghar bhar gaya
Gumshuda sui ko Bibi Ayesha ne paaya hai
اے خدائے دو جہاں اِحسان تیرا ہے بڑا
تو نے پیدا اُن کی اُمّت میں ہمیں فرمایا ہے
Ae Khuda-e-do jahan ihsaan tera hai bara
Tu ne paida un ki ummat mein humein farmaya hai
نور والے ہم گنہگاروں کے گھر بھی روشنی
آ کے کر دو، نور تم نے ہر جگہ پھیلایا ہے
Noor wale hum gunahgaron ke ghar bhi roshni
Aa ke kar do, noor tum ne har jagah phailaya hai
اپناجانا اور ہے اُن کا بُلانا ہے دِگر
خوش نصیبی اُن کی جن کو شاہ نے بُلوایا ہے
Apna jana aur hai un ka bulana hai digar
Khush naseebi un ki jin ko Shah ne bulwaya hai
مجھ کو ڈھارس ہے غلامِ سیِّدِ اَبرار ہوں
ماسِوا پلّے میں میرے کچھ نہیں سرمایہ ہے
Mujh ko dhaaras hai ghulam-e-Sayyid-e-Abrar hoon
Maswa palle mein mere kuch nahi sarmaya hai
نور والے! اب خدارا مسکراتے آیئے
روشنی ہو قبر میں ہائے! اندھیرا چھایا ہے
Noor wale! ab khudara muskurate aaiye
Roshni ho qabar mein haaye! andhera chhaya hai
سن لے شیطاں تُو دبا سکتا نہیں عطّارؔ کو
دوجہاں میں اِس پہ میٹھے مصطَفٰے کا سایہ ہے
Sun le shaitan tu daba sakta nahi Attar ko
Do jahan mein is pe meethe Mustafa ka Saya hai
Share This Naat
Share with friends and family
نور والا آیا ہے ہاں نور لیکر آیا ہے
الیاس عطار قادری