نشانِ پائے محمدؐ جہاں جہاں دیکھا
وہاں زمیں کے نیچے بھی آسماں دیکھا
Nishan-e-paye Muhammad (SAW) jahan jahan dekha
Wahan zameen ke neeche bhi aasman dekha
بہار جلوتِ خیر الانام کیا ہوگی
کہ تخلیئے میں بھی اک جشن کا سماں دیکھا
Bahar jalwat-e-khair al anaam kya hogi
Ke takhliye mein bhi ek jashn ka samaan dekha
بس اک نگاہ پڑی تھی حضورؐ پر میری
پھر اُس کے بعد نہ خود کو بھی درمیاں دیکھا
Bas ik nigah pari thi Huzoor (SAW) par meri
Phir us ke baad na khud ko bhi darmiyan dekha
ازل سے لے کے ابد تک ہے روشنی اُن کی
وجودِ حرف میں ان کو اذاں اذاں دیکھا
Azal se le ke abad tak hai roshni un keen
Wujood-e-harf mein un ko azaan azaan dekha
اُجاڑ دل کی اُنہوں نے جو خیریت پوچھی
میں رو پڑا تو ہر آنسو میں گلستاں دیکھا
Ujaar dil ki unhon ne jo khairiyat poochhi
Mein ro pada to har aansoo mein gulistan dekha
گیا ہے جب کوئی بازارِ مصطفےٰؐ کی طرف
مجھے کھڑا ہوا اُس نے دکاں دکاں دیکھا
Gaya hai jab koi bazaar-e-Mustafa (SAW) ki taraf
Mujhe khada hua us ne dukaan dukaan dekha
کیا نبیؐ نے خلائی سمندروں کا سفر
تو ناؤ برق کو بادل کو بادباں دیکھا
Kiya Nabi (SAW) ne khalaa'i samundaron ka safar
To naao barq ko badal ko baadbaan dekha
میانِ قرب کوئی حدِّ امتیاز نہ تھی
جب اُن کو عرش خدا پر براجماں دیکھا
Meyan-e-qurb koi hadd-e-imtiaaz na thi
Jab un ko arsh-e-khuda par baraajmaan dekha
حضورؐ مجھ پہ مظفر جو مہربان ہوئے
تو میں نے سارے زمانے کو مہرباں دیکھا
Huzoor (SAW) mujh pe Muzaffar jo meherbaan hue
To mein ne saare zamaane ko meherbaan dekha
Share This Naat
Share with friends and family
نشانِ پائے محمدؐ جہاں جہاں دیکھا
مظفر وارثی