مقدر میرا چمکے گا درِ سرکار دیکھوں گا
مجھے بلوائیں گے آقا درِ سرکار دیکھوں گا
Muqaddar mera chamke ga dar-e-sarkar dekhoon ga
Mujhe bulwain ge aaqa dar-e-sarkar dekhoon ga
ہے دل میں آرزو کب سے سُنہری جالیاں دیکھوں
خدا نے بھی اگر چاہا درِ سرکار دیکھوں گا
Hai dil mein aarzoo kab se sonahri jaaliyan dekhoon
Khuda ne bhi agar chaha dar-e-sarkar dekhoon ga
سلاطینِ زمانہ بھی جبیں اپنی جھکاتے ہیں
اُسی چوکھٹ کا ہُوں منگتا درِ سرکار دیکھوں گا
Salateen-e-zamana bhi jabeen apni jhukate hain
Usi chaukhat ka hoon mangta dar-e-sarkar dekhoon ga
لگے ہیں میرے آقا کے قدم طیبہ کی گلیوں میں
مُنّور ہے ہر اک ذرّہ درِ سرکار دیکھوں گا
Lage hain mere aaqa ke qadam Tayyaba ki galiyon mein
Munawwar hai har ek zarrah dar-e-sarkar dekhoon ga
ملائیک بھی جہاں شام و سحر بہرِ سلام آئیں
بلند اُس در کا ہے رُتبہ درِ سرکار دیکھوں گا
Malaik bhi jahan shaam o sehar ba-her-e-salaam aayein
Buland us dar ka hai rutba dar-e-sarkar dekhoon ga
مِنارے مسجدِ نبوی کے دلکش اور نورانی
چمکتا صحن وہ پیارا درِ سرکار دیکھوں گا
Minare masjid-e-Nabwi ke dil-kash aur noorani
Chamkta sehan woh pyara dar-e-sarkar dekhoon ga
وہ جنت کی حسیں کیاری وہ پیارا مِنبرِ اقدس
اُنہیں دل میں بسا لوں گا درِ سرکار دیکھوں گا
Woh jannat ki haseen k’yari woh pyara minbar-e-aqdass
Unhein dil mein basa loon ga dar-e-sarkar dekhoon ga
اگر سو بار بھی دیکھے کوئی نیت نہیں بھرتی
یہی ہر بار ہے کہتا درِ سرکار دیکھوں گا
Agar so baar bhi dekhe koi niyat nahi bharti
Yahi har baar hai kehta dar-e-sarkar dekhoon ga
ضیا سارے زمانے کو یقینًا دے رہا ہے جو
وہ روشن گنبدِ خضرا درِ سرکار دیکھوں گا
Zia sare zamane ko yaqeenan de raha hai jo
Woh roshan gumbad-e-Khadra dar-e-sarkar dekhoon ga
مجھے طیبہ میں آنا ہے مقدر جگمگانا ہے
یہی ارمان ہے دل کا درِ سرکار دیکھوں گا
Mujhe Tayyaba mein aana hai muqaddar jag-magana hai
Yahi armaan hai dil ka dar-e-sarkar dekhoon ga
ابوبکر و عمر فاروق ہیں جو اُن کے پہلو میں
سلامِ شوق ہو میرا درِ سرکار دیکھوں گا
Abu Bakr o Umar Farooq hain jo unke pehlu mein
Salam-e-shauq ho mera dar-e-sarkar dekhoon ga
جئے جاتا ہے دنیا میں اِسی امید پر مرزا
بُلاوا آ ہی جائے گا درِ سرکار دیکھوں گا
Ji-e jata hai duniya mein isi umeed par Mirza
Bulawa aa hi jae ga dar-e-sarkar dekhoon ga
Share This Naat
Share with friends and family
مقدر میرا چمکے گا درِ سرکار دیکھوں گا
مرزا جاوید بیگ عطاری