نبی ﷺ کو چاہنے والے غمِ دنیا نہیں کرتے
کوئی دکھ ہو ‘ کوئی مشکل ہو وہ پروا نہیں کرتے
Nabi ﷺ ko chahne wale gham-e-duniya nahi karte
Koi dukh ho ‘ koi mushkil ho wo parwa nahi karte
عطا کرتا ہے صبر و شکر کی نعمت خدا ان کو
پریشانی کے عالم میں بھی وہ شکوہ نہیں کرتے
Ataa karta hai sabr o shukar ki naimat Khuda unko
Preshani ke alam mein bhi wo shikway nahi karte
گزر اوقات ہو جاتی ہے ان کی فقر و فاقہ میں
مگر وہ اپنی غیرت کا کبھی سودا نہیں کرتے
Guzar o qaat ho jati hai un ki faqr o faqah mein
Magar wo apni gherat ka kabhi sauda nahi karte
فقط اشکوں کی صورت میں وہ عرضِ حال کرتے ہیں
کبھی پاسِ ادب سے وہ لبوں کو وا نہیں کرتے
Faqt ashkon ki soorat mein wo arz-e-haal karte hain
Kabhi paas-e-adab se wo labon ko wa nahi karte
جنہیں اللہ کے محبوبﷺ سے سچی محبت ہے
وہ دینِ مصطفیٰﷺ کے نام کو رُسوا نہیں کرتے
Jinhein Allah ke mehboobﷺ se sachi mohabbat hai
Wo deen-e-Mustafaﷺ ke naam ko ruswa nahi karte
نبیﷺ کے جتنے پیرو ہیں وہ ملت کے سپاہی ہیں
وہ راہِ بندگی میں جان کی پروا نہیں کرتے
Nabiﷺ ke jitne paro hain wo millat ke sipahi hain
Wo raah-e-bandagi mein jaan ki parwa nahi karte
بصارت سے سوا جن کو بصیرت پر بھروسا ہے
وہ طیبہ کا کسی سے راستہ پوچھا نہیں کرتے
Basarat se siwa jin ko basirat par bharosa hai
Wo Taybah ka kisi se rasta poocha nahi karte
وہ چلتے ہیں تو دم لیتے ہیں جا کر اپنی منزل پر
مدینے کے مسافر راہ میں ٹھہرا نہیں کرتے
Wo chalte hain to dam lete hain ja kar apni manzil par
Madine ke musafir raah mein thehra nahi karte
جنہیں سرکارﷺ کی شانِ شفاعت پر بھروسا ہے
سزا کا اور پرسش کا وہ اندیشہ نہیں کرتے
Jinhein Sarkaarﷺ ki shaan-e-shafaat par bharosa hai
Saza ka aur pursish ka wo andesha nahi karte
چھپا لیتے ہیں آقاﷺ عاصیوں کو اپنی کملی میں
وہ اپنے چاہنے والوں کو کبھی شرمندہ نہیں کرتے
Chhupa lete hain Aaqaﷺ aasiyon ko apni kamli mein
Wo apne chahne walon ko kabhi sharminda nahi karte
Share This Naat
Share with friends and family
نبی ﷺ کو چاہنے والے غمِ دنیا نہیں کرتے
پروفیسراقبال عظیم