نبی کی یاد سے روشن میرے دل کا نگینہ ہے
وہ میرے دل میں رہتے ہیں مرا دل ہی مدینہ ہے
Nabi ki yaad se roshan mere dil ka nageena hai
Woh mere dil mein rehte hain mera dil hi madina hai
مدینے کی جدائی سلگتا میرا سینہ ہے
پڑا ہوں دور طیبہ سے یہ جینا کیسا جینا ہے
Madine ki judaai sulagta mera seenah hai
Para hoon door tayyaba se yeh jeena kaisa jeena hai
نظر افروز ہیں رنگینیاں فردوس کی لیکن
جو تسکین دل و جاں ہے وہ آقا کا مدینہ ہے
Nazar afroze hain rangeeniyan firdous ki lekin
Jo taskeen dil o jaan hai woh aaqa ka madina hai
جھکوں کیوں غیر کے در پر کسی سے بھیک کیوں مانگوں
مرے دامن میں عشق سرور دیں کا خزینہ ہے
Jhuko kyu gher ke dar par kisi se bheek kyu maango
Mere daaman mein ishq sarwar-e-deen ka khazeena hai
مہک ہے دونوں عالم میں محمد کے پسینے کی
کہ وجہ نکہت عالم محمد کا پسینہ ہے
Mahak hai dono aalam mein Muhammad ke paseene ki
Ke wajah nikaht-e-aalam Muhammad ka paseena hai
بسالو دل میں محبوب خدا لج پال کی الفت
خدا تک یہ پہنچنے کا بڑا آسان زینہ ہے
Basalo dil mein mehboob-e-Khuda Lajpal ki ulfat
Khuda tak yeh pohanchne ka bada aasan zeena hai
جناب ساقی کوثر کے میخواروں میں ہو شامل
جسے بھی جام کوثر آپ کے ہاتھوں سے پینا ہے
Janab Saqi-e-Kausar ke maikhwaron mein ho shaamil
Jise bhi jaam-e-Kausar aap ke haathon se peena hai
میں ہر سو دیکھتا ہوں سرور کونین کے جلوے
طفیل مرشد کامل سلامت چشم بینا ہے
Mein har su dekhta hoon sarwar-e-konain ke jalwe
Tufail-e-murshid-e-kamil salaamat chashm-e-beena hai
نبی کی آل کا صدقہ جہاں کی نعمتیں مانگو
خدا سے مانگنے کا یہ بڑا اچھا قرینہ ہے
Nabi ki aal ka sadqa jahan ki naimatein maango
Khuda se maangne ka yeh bada acha qareena hai
ہمیں خطرہ نہیں کوئی نیازی ڈوب جانے کا
کہ ہم جس میں بیٹھے وہ محمد کا سفینہ ہے
Humein khatra nahi koi Niazi doob jane ka
Ke hum jis mein baithe woh Muhammad ka safeena hai
Share This Naat
Share with friends and family
نبی کی یاد سے روشن میرے دل کا نگینہ ہے
عبدالستار نیازی