شرف یابِ مَعّیت ، واقفِ آدابِ اَو اَدنیٰ
شہِؐ والّیل مُو، والشّمس طلعت، والضُحٰی سِیما
Sharf yabe ma'yyat, waqif-e aadaab-e aw adna
Sheh-e wal-lail moo, wal-shams tal'at, wal-duha seema
ترے بحرِ ثنا میں زَوقِ افکار کو ہم نے
چلایا پڑھ کے بِسْمِ اللہِ مَجْرٖہَا وَمُرْسٰہَا
Tere bahr-e sana mein zhauq-e afkaar ko hum ne
Chalaya parh ke bismillah-e majraha wa mursa
نبوت کی لڑی میں خوب چمکا ایک دن آخر
وہ دُرجِ اصطفٰی و اِجتبا کا گوہرِ یکتا
Nabuwat ki lari mein khoob chamka aik din aakhir
Woh durj-e ustafa wa ijtiba ka gohar-e yakta
یہ کس کا نور تھا جو کر گیا روشن دل و جاں کو
تصوّر سے یہ کس کے جگمگا اُٹھّی شبِ یلدا
Yeh kis ka noor tha jo kar gaya roshan dil o jaan ko
Tasawwur se yeh kis ke jagmaga utthi shab-e yelda
کھِلے ہیں پھُول کس کی یاد سے ویرانۂ دل میں
چلی کس کی شمیمِ زلف، مہکائے ہوئے صحرا
Khile hain phool kis ki yaad se wairana-e dil mein
Chali kis ki shameem-e zulf, mehkae hue sahra
مِلا روزِ ازل وہ نُور اس کو دستِ قدرت سے
کہ جس کی ہر کرن تنہا تھی رشکِ صدیدِ بیضا
Mila roz-e azal woh noor is ko dast-e qudrat se
Ke jis ki har kiran tanha thi rashk-e sadeed-e bayza
گئے تھے نیم شب وُہ عرش پر، شاید اِسی خاطر
بشارت وسطِ قراں میں ہے سُبْحٰنَ الَّذِیْ اَسْرٰی
Gaye the neem shab woh arsh par, shayad isi khatir
Basharat wast-e qaraan mein hai subhanallazi asra
خدا تک کیوں نہ پہنچے آدمی اُس کے توسُّل سے
قدِ بالا ہے جس کا ، رہنمائے عالَمِ بالا
Khuda tak kyon na pohnche aadmi us ke tawassul se
Qad-e bala hai jis ka, rehnuma-e alam-e bala
اگر از در بِرانی ور ز رُوئے رحمتم خوانی
درِ اقدس پہ حاضر ہُوں کما تَبْغٰی کما تَرْضٰی
Agar az dar birani war z ru e rehmatam khawani
Dar-e aqdas pe haazir hoon kama tabgha kama tarza
Tere bahr-e haqeeqat mein namood apni hababi hai
Tere hone se qaim hoon, mera hona na hona kya
ترے بحرِ حقیقت میں نمود اپنی حَبابی ہے
ترے ہونے سے قائم ہُوں، مِرا ہونا نہ ہونا کیا
Chhupa lijiye Naseer be-nawa ko apne daaman mein
Ba ilm-e Haider r wa sabr-e Hussain r wa chadar-e Zahra r
چھُپا لیجئے نصیرؔ بے نوا کو اپنے دامن میں
بہ علمِ حیدرؓ و صبرِ حُسینؓ و چادرِ زہراؓ
Share This Naat
Share with friends and family
شرف یابِ مَعّیت ، واقفِ آدابِ اَو اَدنیٰ
سید نصیرالدیں نصیر