موجاں و چہ موجاں آجاون ہنجواں دی وگدی نہر دیاں
جد گلاں کردا اے کوئی سوہنے دے سوہنے شہر دیاں
Mojan va che mojan ajavan hanjvan di vagdi nehar diyan
Jad gulan karda ae koi sohne de sohne shehar diyan
بھاویں یوسف بُرقعہ چک آوے خواہ چن دھرتی تے ڈھک آوے
جہاں تکیا کملی والے نوں اوہ نظراں کتے نہیں ٹھہر دیاں
Bhaven Yusuf burq'a chak aave khvah chan dharti te dhak aave
Jehan takya kamli wale nu oh nazran kute nahi thehar diyan
اکھیاں نوں چانن مل جاوے کھوہ کھارے مٹھے ہو جاون
لب پاک اوہدا جد لگ جاندا تاثیراں بدلن زہر دیاں
Akhiyaan nu chanan mil jaave khoh khare mthe ho javan
Lab paak ohda jad lag janda taseeran badlan zahr diyan
سرکار دے روضے تے جا کے سب عیب اوہناں دے دُھل جاندے
مل جان جنہاں نوں دو گھڑیاں روون لئی پچھلے پہر دیاں
Sarkar de rozay te ja ke sab aib ohna de dhul jande
Mal jan jinna nu do ghariyan rovan lai pichhle pehr diyan
ایہہ مُجرم تے ساڈے ہر ویلے اللہ دا غضب بلاندے نے
ڈھک لیندی رحمت سوہنے دی سب سختیاں رب دے قہر دیاں
Eh mujrim te sade har vele Allah da ghazab bland de ne
Dhak laindi rehmat sohne di sab sakhtiyan Rab de qahr diyan
محبوب دی بستی دی صائم پُرکیف فضا کی پُچھناں ایں
طیبہ وچ ٹھنڈیاں ہو جاون سب تیزیاں سخر دوپہر دیاں
Mehboob di basti di Sa'im pur-kaif fiza ki puchhna ae
Tayba vich tndiyan ho javan sab teziyan sakhr dopehr diyan
Share This Naat
Share with friends and family
موجاں و چہ موجاں آجاون ہنجواں دی وگدی نہر دیاں
علامہ صائم چشتی