نعت سنتا رہوں نعت کہتا رہوں آنکھ پُر نم رہے دِل مچلتا رہے
نجم نامِ محمدؐ زباں پہ رہے ‘ ذکر ہوتا رہے ‘ سانس چلتا رہے
Naat sunta rahun naat kehta rahun aankh pur nam rahe dil machalta rahe
Najm naam-e-Muhammad (SAW) zaban pe rahe ‘ zikr hota rahe ‘ saans chalta rahe
بے سہاروں کا کوئی سَہارا نہیں ‘ مصطفےٰ کے سِوا تو گزارا نہیں
اُن کی چشم کرم ہو تو کچھ غم نہیں ‘ چاہے سارا زمانہ بدلتا رہے
Be-saharon ka koi sahara nahi ‘ Mustafa (SAW) ke siwa to guzara nahi
Un ki chashm-e-karam ho to kuch gham nahi ‘ chahe sara zamana badalta rahe
عشقِ احمدؐ سی دنیا میں نعمت نہیں ‘مال و زر کی بھی کوئی حقیقت نہیں
بادشاہوں سے بہتر بھکاری ہے وہ اُن کے در پر جو ٹکڑوں پہ پلتا رہے
Ishq-e-Ahmed (SAW) se duniya mein nemat nahi ‘ maal-o-zar ki bhi koi haqeeqat nahi
Badshahon se behtar bhikhari hai woh un ke dar par jo tukron pe palta rahe
کیا بھلا آسکیں زندگی کے مزے دور رہ کر حبیبِ خدا سے مجھے
اُس کی حالت کروں تو کروں کیا بیاں ‘ ہر گھڑی دل جو فرقت میں جلتا رہے
Kya bhala aasken zindagi ke maze dour reh kar Habib-e-Khuda (SAW) se mujhe
Us ki haalat karun to karun kya bayan ‘ har ghari dil jo furqat mein jalta rahe
یہ دعا ہے سلامت سدا غم رہے تا ابد رابطہ اس سے قائم رہے
آتشِ عشِق ہر دَم بھڑکتی رہے خون روتا رہوں دِل پگھلتا رہے
Yeh dua hai salamat sada gham rahe ta abad raabta is se qaim rahe
Aatish-e-ishq har dam bhadakti rahe khoon rota rahu dil pigalta rahe
مصطفےٰ کی نظر جس گھڑی ہوگئی اس کی تقدیر کھوٹی کھری ہوگئی
اس کو ٹھکرائے سارا جہاں بھی اگر ‘ گرنے والا مگر پھر سنبھلتا رہے
Mustafa (SAW) ki nazar jis ghari hogayi us ki taqdeer khoti khari hogayi
Us ko thukraye sara jahan bhi agar ‘ girne wala magar phir sambhalta rahe
نجمؔ کی اے خدا آرزو ہے یہی ‘ عاشقِ زار کی آبرو ہے یہی
آخری وقت سر اُن کے قدموں پہ ہو‘ دید ہوتی رہے دم نکلتا رہے
Najm (RA) ki ae Khuda aarzu hai yehi ‘ aashiq-e-zaar ki aabru hai yehi
Aakhri waqt sar un ke kadmon pe ho‘ deed hoti rahe dam nikalta rahe
Share This Naat
Share with friends and family
نعت سنتا رہوں نعت کہتا رہوں
نجم نعمانی