حکم ہے عالَم کو دیوانے کا دیوانہ رہے
ان سے جو بیگانہ ہے ،یہ اس سے بیگانہ رہے
Hukum hai aalam ko diwaane ka diwaana rahe
Un se jo beeagana hai, ye us se beeagana rahe
’’اِنَّمَا یَعمُر‘‘ کا جلوہ یوں حسینانہ رہے
‘‘ مسجدیں آباد ہوں ، ویران بت خانہ رہے‘‘
"Inna Ma Ya'mur" ka jalwa yun haseenana rahe
"Masjidain aabaad hon, veeraan but khaana rahe"
حکمِ ربیّ ہے یہاں " لاَ تَرفَعُو اَصوَاتَکُم"
روضۂِ شہ پر تنفُّس بھی عدیمانہ رہے
Hukum-e-Rabbi hai yahan "La Tarfa'u Aswaatakum"
Roza-e-Sheh par tanaffus bhi adeemana rahe
میں سمجھتا ہوں کہ عجز و انکساری نعت ہے
حرف ورنہ کب محیطِ وصفِ جانانہ رہے
Main samajhta hoon ke ajz o inkisari naat hai
Harf warna kab moheet-e-wasf-e-jaanana rahe
سیِّد الاصناف کے قد کے تعیُّن کےلیے
اے ثنا گو ! طرزِ نعتِ شہ ادیبانہ رہے
Syed-ul-Asnaaf ke qadd ke taayyun ke liye
Ae sana go! tarz-e-naat-e-Sheh adeebana rahe
عبد دیگر عبدہٗ چیزے دگر" ایں جائے غور
منتظِر ہے یہ ، وہ محوِ دیدِ خاصانہ رہے
Abd digar abdahoo cheezay digar" een jaye ghour
Muntazir hai ye, wo mehv-e-deed-e-khasana rahe
ماسوائے جان و دل کچھ پاس مفلس کے نہیں
کاش مقبولِ سگِ دربار نذرانہ رہے
Maswaye jaan o dil kuch paas muflis ke nahi
Kaash maqbool-e-sag-e-darbaar nazrana rahe
فوج شہرِ نور سے آ جائے گی بہرِ مدد
شامِ غم کو چاہیے ہم سے بعیدانہ رہے
Fauj sheher-e-noor se aa jaaye gi beher-e-madad
Shaam-e-gham ko chahiye hum se baeedana rahe
مدحتِ جانِ سخن سے حرف کو دیجے بقا !
حاصلِ گفتار کی یادوں سے یارانہ رہے
Madah-e-jaan-e-sakhan se harf ko deeje baqa!
Haasil-e-guftaar ki yaadon se yaarana rahe
مصحفِ رخ کی تلاوت کو طہارت کےلیے
گردِ چشمِ شوق چھوٹا سا وضو خانہ رہے
Mushaf-e-rukh ki tilaawat ko taharat ke liye
Gird-e-chashm-e-shauq chhota sa wuzu khaana rahe
اوّلاً تو گنبدِ اَخضر کے سائے میں مروں
ورنہ کم از کم مِری تربت بقیعانہ رہے
Awalan to gunbad-e-Akhzar ke saaye mein maro
Warna kam az kam meri turbat baqi'ana rahe
اے معظمؔ ! دولتِ حرفِ ثنا سے ہیں غنی
کیوں نہ اپنے پاس پھر جنّت کا بیعانہ رہے
Ae Muazzam! daulat-e-harf-e-sana se hain ghani
Kyun na apne paas phir jannat ka beyana rahe
Share This Naat
Share with friends and family
حکم ہے عالَم کو دیوانے کا دیوانہ رہے
معظم سدا معظم مدنی