naat
دریائے ہجر میں ہے سفینہ تِرے بغیر
دریائے ہجر میں ہے سفینہ تِرے بغیر
کس کو پکاریں ماہِ مدینہ! تِرے بغیر
Daryaaye hijr mein hai safeena tire baghair
Kis ko pukaaren maah-e-Madina! tire baghair
کھائی ہو جس نے تیری ہوا، شہرِ مصطفٰی!
اُس کیلئے تو موت ہے جینا تِرے بغیر
Khaai ho jis ne teri hawa, shehr-e-Mustafa!
Us ke liye to maut hai jeena tire baghair
اچھا ہوا کہ دل کی جگہ رکھ لیا تمہیں
ورنہ قرار پاتا نہ سینہ تِرے بغیر
Acha hua ke dil ki jagah rakh liya tumhein
Warna qarar paata na seena tire baghair
سن کیسے لے گا تیرے بِنا کوئی بات رب
جب کوئی بات اُس نے کہی نا تِرے بغیر
Sun kaise le ga tere bina koi baat Rab
Jab koi baat us ne kahi na tire baghair
جس کو نظر نہ آئے رُخِ قاسمِ ضیاء
نابینا ہی رہے گا وہ بینا تِرے بغیر
Jis ko nazar na aaye rukh-e-Qasim-e-Zia
Nabina hi rahe ga wo beena tire baghair
بخشا تِرے وجود نے اِس کو یہ مرتبہ
ورنہ ربیع بس ہے مہینہ تِرے بغیر
Bakhsha tire wajood ne is ko ye martaba
Warna Rabi' bas hai mahina tire baghair
ہو نہ کرم تمہارا تو لکھتے ہوئے ثناء
آ جاتا ہے قلم کو پسینہ تِرے بغیر
Ho na karam tumhara to likhte hue sana
Aa jata hai qalam ko paseena tire baghair
یونہی تو راہ تیری نہیں دیکھتا یہ دل
یثرب کہاں بنا تھا مدینہ تِرے بغیر
Yunhi to raah teri nahin dekhta ye dil
Yasrab kahan bana tha Madina tire baghair
Share This Naat
Share with friends and family
دریائے ہجر میں ہے سفینہ تِرے بغیر
حافظ محمد ابوبکر تبسمؔ