ناں دُکھ مکدے ناں مکیاں نے اُڈیکاں یا رسول اللہ
نے ہویاں ہجر وچ لمیاں تریکاں یا رسول الله
Naan dukh makday naan makiyan ne udeekan ya Rasool Allah
Ne hoyan hijr wich lamiyaan tareekan ya Rasool Allah
میں کیویں سرخرو ہو کے تیرے دربار تے آواں
گناہواں میریاں لائیاں نے لیکاں یارسول اللہ
Mein kiween surkhru ho ke tere darbar te avaaan
Gunahwaa meriyaa laaiyaan ne leekaan ya Rasool Allah
جدوں وی یاد اوندی اے مدینے پاک دی مینوں
نکل دیاں جاندیاں بے وس چیکاں یارسول اللہ
Jadun vi yaad ondi ae Madine Paak di mainu
Nikal diyaan jaandiaan be was cheekan ya Rasool Allah
ہے لُوں لُون ساڑیا میرا تے دل نوں چیر چھڈیا اے
ہزاراں مار کے مہنے شریکاں یارسول اللہ
Hai loon loon saariya mera te dil nu cheer chhadia ae
Hazaraan maar ke mahne shareekan ya Rasool Allah
شراب دید دی اک بوند نوں ترسے ترا صائم
تے پیندے رندنے لا لا کے ڈیکاں یا رسول اللہ
Sharaab deed di ik bound nu tarse tera saaim
Te peende randne la la ke deekan ya Rasool Allah
Share This Naat
Share with friends and family
ناں دُکھ مکدے ناں مکیاں نے اُڈیکاں یا رسول اللہ
علامہ صائم چشتی