نہ نیر وگایاں بن دی اے نہ درد سنایاں بن دی اے
اللہ دیا سوہنیا محبوبا گل تیرے بنایاں بن دی اے
Na neur vagayan ban di ae na dard sunayan ban di ae
Allah diya sohnia mahooba gul tere banayan ban di ae
محشر وِچ سارے رو رو کے محبوبِ خدا نوں آکھن گے
اج بگڑی قسمت ساریاں دی سرکار دے آیاں بن دی اے
Mahshar vich sare ro ro ke mehboob-e-Khuda noon akhan ge
Ajh bigri kismat sariya di Sarkar de aayan ban di ae
طیبہ دے سفر دیاں راہیاں نوں بھُل جان نظارے دُنیا دے
اکھیاں دی عید تے روضے دا دیدار کرایاں بن دی اے
Taiba de safar diyan rahiyan noon bhul jaan nazare duniya de
Akhiyan di Eid te "Rozay" da didar karayan ban di ae
شبیرؓ دے خون نے کربل دی مٹی نوں ایہہ فرمایا سی
حق سچ دی عزت سجدے وچ اج سیس کٹایاں بن دی اے
Shabbir (R.A) de khoon ne Karbal di mati noon eh farmaya si
Haq sach di izzat sajday vich ajh sees kutayan ban di ae
اس رنگ برنگی دنیا تے کدھرے نہ ہو رنظر آوے
جہڑی رونق کملی والے دے دربار تے جایاں بن دی اے
Es rang birangi duniya te kadhray na ho rnazr aave
Jehri ronaq Kamli wale de darbar te jayan ban di ae
جس دن دا ظہوریؔ ویکھ لیا دربار محمدؐ عربی دا
دل وچ تصویر مدینے دی ہن نعت سنایاں بن دی اے
Jis din da Zahoori vekh lia darbar Muhammad (S.A.W) Arabi da
Dil vich tasveer Madine di hn Naat sunayan ban di ae
Share This Naat
Share with friends and family
نہ نیر وگایاں بن دی اے نہ درد سنایاں بن دی اے
محمد علی ظہوری