مُشتِ گل ہُوں وہ خرامِ ناز دیتا ہے مُجھے
عرش تک گنجائشِ پرواز دیتا ہے مُجھے
Musht-e-gul hoon wo kharam-e-naaz deta hai mujhe
Arsh tak gunjaish-e-parwaaz deta hai mujhe
کُہنہ ہونے ہی نہیں دیتا وہ میری داستاں
جب بھی لکھتا ہے، نیا انداز دیتا ہے مُجھے
Kuhna hone hi nahi deta wo meri dastaan
Jab bhi likhta hai, naya andaaz deta hai mujhe
آپ ہی رکھتا ہے میرے سامنے سربستہ راز
آپ ہی توفیقِ کشفِ راز دیتا ہے مُجھے
Aap hi rakhta hai mere samne sarbasta raaz
Aap hi taufeeq-e-kashf-e-raaz deta hai mujhe
زندہ رکھتا ہے مُجھے رنج و خُوشی کے درمیاں
ساز دیتا ہے، شکستِ ساز دیتا ہے مُجھے
Zinda rakhta hai mujhe ranj-o-khushi ke darmiyan
Saaz deta hai, shikast-e-saaz deta hai mujhe
شب کے پردے میں مُجھے کرتا ہے انجام آشنا
دِن کی صُورت اِک نیا آغاز دیتا ہے مُجھے
Shab ke parde mein mujhe karta hai anjaam aashna
Din ki surat ik naya aaghaz deta hai mujhe
جب مَیں لَوٹ آتا ہُوں دشتِ چار سُو کو چھان کر
دل میں چھُپ جاتا ہے اور آواز دیتا ہے مُجھے
Jab main laut aata hoon dasht-e-chaar soo ko chaan kar
Dil mein chhup jaata hai aur awaaz deta hai mujhe
دُور رکھتا ہے وہ عاصی مُجھ سے ساری ذلّتیں
وہ کریم اِعزاز پر اعزاز دیتا ہے مُجھے
Door rakhta hai wo aasi mujh se saari zillatain
Wo Kareem izzat par izzat deta hai mujhe
Share This Naat
Share with friends and family
مُشتِ گل ہُوں وہ خرامِ ناز دیتا ہے مُجھے
عاصی کرنالی