مُک گئی کالی رات غماں دی
کھِنڈ کھنڈ پئی خوشبوُ فجراں دی
Muk gayi kaali raat ghamaan di
Khinnd khinnd pai khushboo fajaraan di
چمکے شہر گراں تے بیلے
اِنج ہُوئی کِن مِن کِرناں دی
Chamke shehar graan te beele
Inj hoi kin min kirnaan di
چُپ چپیتی رخصت ہُوئی
دُنیا وچّوں فصل خزاں دی
Chup chupiti rukhsat hoi
Duniya vichchon fasl khazaan di
تَن مَن دے وِچ چانن لگّا
رنگ لیائی سِک متراں دی
Tan man de vich chanan lagga
Rang liyaai sik mitraan di
اوس سمے وِچ مَیں جا پُجّا
ٹپ کے کندھ چودہ صدیاں دی
Os same vich main ja pujja
Tap ke kandh choudah sadiyaan di
اُس نوں غار حرا وِچ ڈِٹھّا
جس بدلی تقدیر دِناں دی
Us nu ghar-e-hira vich dhitha
Jis badli taqdeer dinnan di
مَیں وی ٹوران گل اوسے توں
جس توں ٹُردی گل کرماں دی
Main vi touraan gal ose ton
Jis ton turdi gal karmaan di
فرڈِٹھی اوہ ذات صفا تے
خالق ول خلقت نوں بلاندی
Frdithi oh zaat safa te
Khaliq wal khalqat nu blandi
طائف دے لئیّ پھَل پھُل منگے
جِتھّے بارش سی پتھراں دی
Taif de layyi phal phul mangge
Jithe barish si pathraan di
شیما بچپن دے وِچ ویکھی
جس دے سر تے چھاں بَدلاں دی
Shaima bachpan de vich vekhi
Jis de sir te chaan badlaan di
ارقم دے پُت زید نے ڈٹھّی
ہرنی کلمہ جہدا الاندی
Arqam de putt Zaid ne ditti
Harni Kalma jehda alandi
لبّھے کوئی مثال نہ جِسدے
اُچّے خُلق تے سُچے نیاں دی
Labbe koi misaal na jisde
Ucche khulq te succe niaan di
عِلم ہے جِسدے دَر د انوکر
عقل ہے جس دے گھر دی باندی
Ilm hai jisde dar da anokar
Aqal hai jis de ghar di baandi
جِس دا ذِکر ہے لُوں لُوں کردا
جس دے گیت ہے نَس نس گاندی
Jis da zikr hai loon loon karda
Jis de geet hai nas nas gaandi
کدی نہ جس دی سخی طبیعت
مانگت نوں خالی پَر تاندی
Kadi na jis di sakhi tabiyat
Mangant nu khaali par taandi
جس دی ذات گرامی تھاں تھاں
دوجگ وِچ رحمت ورتاندی
Jis di zaat grami thaan thaan
Dojagg vich rahmat vartandi
جس دی نیویں نظر ازل توں
ہستی دا سینہ دھڑکاندی
Jis di neevan nazar azal ton
Hasti da seenha dharkandi
جس دی یاد مُبارک اَج وی
رُوحاں دے ویہڑے مہکا ندی
Jis di yaad mubarak aj vi
Roohan de vehre mehka ndi
جس دی نُوری سیرت ہر دم
سوچاں وِچ گلزارکھڑاندی
Jis di noori seerat har dam
Soochan vich gulzaar khadaandi
جس دی دعوت رہی ہمیشہ
عزماں دے بوہے کھڑکاندی
Jis di dawat rahi hamesha
Azma de bohe kharkandi
اُس دی اُمّت دی بے حالی
میتھوں تے نہیں ویکھی جاندی
Us di ummat di be haali
Meithon te nahi vekhi jaandi
سُن لے ربّا میرے ہاڑے
حل کردے مشکل رُوحاں دی
Sun le rabba mere haare
Hal karde mushkil roohan di
فیر اس چھیکڑلی اُمّت نوں
بخش قیادت سَبھ قوماں دی
Fair iss cheekarli ummat nu
Bakhsh qiyaadat sabh quoman di
مَیں شاعر کملی والے دا
منگاں خیر سبھ اِنساناں دی
Main shayar Kamli Wale da
Manga kher sabh insanaan di
شعر مِرے نوں دے تاثیراں
تِکھی کر دے لَے دَرداں دی
Sher mere nu de taasiran
Tikhi kar de le daradaan di
ربّا ! میریا سوہنیا ربّا!
رُوح میری اے ڈاہڈی ماندی
Rabba ! Meriyaa sohnia rabba!
Rooh meri ae dahhdi maandi
ڈاروں وچھڑی کونج دے وانگوں
جِند نمانی رہے کُرلاندی
Daaron vichhri konj de vaango
Jind namaani rahe kurlandi
میری قسمت وچ وِی لِکھ دے
دُھوڑ اوہناں روشن راہوں دی
Meri qismat vich vi likh de
Dhoor ohna roshan raahan di
پُھٹ پُھٹ پیندی جنہاں وچّوں
شوخی ہَولے پُھل قدماں دی
Phutt phutt peindi jinnah vichchon
Shokhi haole phul kadmaan di
مینوں وی اِک وار وکھادے
اوہ وستی اپنے رنگاں دی
Mainu vi ikk vaar vikhade
Oh vastu apne rangaan di
جالی پاک دے کول کھلو کے
ڈالی پیش کراں نعتاں دی
Jaali paak de kol khallo ke
Daali pesh karaa naataan di
ایسے حالت دے وچ ٹُٹے
دوڑی تائبؔ دے ساہواں دی
Aise haalat de vich tute
Dodi Taib de saawan di
Share This Naat
Share with friends and family
مُک گئی کالی رات غماں دی
حفیظ تائب