مجھے یقیں ہے
وہ سن رہے ہیں نگاہِ خاموش کی صدائیں
Mujhe yaqeen hai
Woh sun rahe hain nigah-e-khamosh ki sadaaein
دُکھوں سے بوجھل مری نوائیں
وہ جانتے ہیں
Dukhon se bojhal meri nawaaein
Woh jaante hain
ہزارہا درد و غم کی شمعیں
فسردہ سینوں میں جل رہی ہیں
Hazaarha dard o gham ki shamae
Fisurdah seenon mein jal rahi hain
یہ جسم و جاں جو شکست خوردہ ہیں سوچتے ہیں
غم و الم کی جو دھوپ پھیلی ہوئی ہے اس میں
Yeh jism o jaan jo shikast khurdah hain sochte hain
Gham o alam ki jo dhoop pheli hui hai is mein
کرم کے بادل سروں پہ اک سائباں بنانے
دیارِ رحمت سے کیوں نہیں اُٹھ سکے ابھی تک
Karam ke baadal saron pe ik saayeiban banane
Diyar-e-rehmat se kyu nahi uth sake abhi tak
مجھے یقیں ہے
اور اس یقیں پر حیاتِ امروز کا تسلسل
Mujhe yaqeen hai
Aur is yaqeen par hayat-e-imroz ka tasalsul
حیاتِ فردا کی خوش دلی کی طرف رواں ہے
یہ دورِ جبر و ستم بہت جلد دُور ہوگا
Hayat-e-farda ki khush dali ki taraf rawan hai
Yeh daur-e-jabr o sitam bohat jald door hoga
محبتوں کا ظہور ہوگا
کرم نبی کا ضرور ہوگا
Mohabbatoun ka zahoor hoga
Karam Nabi ka zaroor hoga
Share This Naat
Share with friends and family
مجھے یقیں ہے
سید صبیح الدین صبیح رحمانی