تھم تھم! کہ برسنا ہے تجھے دیدۂ تر اور
کرنے ہیں نچھاور تجھے کچھ لعل و گہر اور
Tham tham! ke barasna hai tujhe deedah-e-tar aur
Karne hain nichhawar tujhe kuch laal o guhar aur
رقصاں ہے لبِ گل پہ بہاروں کی کہانی
آپ آئے نسیم آئی کھلا رنگِ سحر اور
Raqsaan hai lab-e-gul pe baharon ki kahani
Aap aaye naseem aayi khula rang-e-sehar aur
پلکوں پہ فروزاں ہیں دھنک رنگ ستارے
بے تاب تمنا ہے کہ بس ایک نظر اور
Palkon pe farozan hain dhanak rang sitare
Be taab tamanna hai ke bas aik nazar aur
اک اسمِ دلآویز محمدؐ ہے کہ جس سے
ہر دم ہے فزوں روشنیِ قلب و نظر اور
Ek ism-e-dilaweez Muhammadﷺ hai ke jis se
Har dam hai fuzoon roshni-e-qalb o nazar aur
جب سے ہے سنا آپ شفیعِ دو جہاں ہیں
اِترانے لگا ہے یہ مرا دامنِ تر اور
Jab se hai suna aap shafi-e-do jahan hain
Itraane laga hai ye mera daaman-e-tar aur
جھکتی ہے جبیں واں پہ تو جھکتا ہے یہاں دل
کعبہ کا اثر اور ہے طیبہ کا اثر اور
Jhukti hai jabeen waan pe to jhukta hai yahan dil
Kaaba ka asar aur hai Taibah ka asar aur
شاکر میں ہُوا جب سے ثنا گوئے محمدؐ
ہیں میرے شب و روز مرے شام و سحر اور
Shaakir main hua jab se sana goye Muhammadﷺ
Hain mere shab o roz mere shaam o sehar aur
Share This Naat
Share with friends and family
تھم تھم! کہ برسنا ہے تجھے دیدۂ تر اور
سیّد شاکر القادری چِشتی نِظامی