مجھے کیا اعتماد الفاظ کی جادو گری پر ہے
تری توصیف اک احسان مری شاعری پر ہے
Mujhe kya aitmad alfaaz ki jadu gari par hai
Teri tausif ek ehsan meri shairi par hai
ترے دربار سے کچھ مانگنا گر کفر ٹھہرا ہے
تو میں کافر ہوں مجھ کو ناز اپنی کافری پر ہے
Tere darbar se kuch maangna gar kufr tehra hai
To main kafir hun mujh ko naaz apni kafiri par hai
تری رفعت تفکر کی حدودِ فہم سے بالا
ترا عرفان طنزِ مستقل دانشوری پر ہے
Teri rif'at tafakkur ki hudood-e-fahm se bala
Tera irfaan tanz-e-mustaqil danishwari par hai
سراپا ناز ہو کر بھی نیازِ عشق کے سجدے
خدا کو فخر بس تیرے خلوصِ دلبری پر ہے
Sarapa naaz ho kar bhi niaz-e-ishq ke sajde
Khuda ko fakhr bas tere khuloos-e-dilbari par hai
صلائے عام ہے وہ نبضِ ہستی تھام لے آکر
جو کوئی معترض آقا تری چارہ گری پر ہے
Sala-e-aam hai woh nabz-e-hasti tham le aakar
Jo koi mu'tariz aaqa teri charagari par hai
مجھے تسخیرِ یزداں کا عمل معلوم ہے منصور
کرم خاکِ مدنیہ کا مری دیدہ وری پر ہے
Mujhe taskheer-e-Yazdan ka amal maloom hai Mansoor
Karam khak-e-madinah ka meri deeda wari par hai
Share This Naat
Share with friends and family
مجھے کیا اعتماد الفاظ کی جادو گری پر ہے
منصور آفاق