مجھ کو تو اَپنی جاں سے بھی پیارا ہے اُن کا نام
شب ہے اگر حیات ‘ ستارا ہے اُن کا نام
Mujh ko to apni jaan se bhi piara hai un ka naam
Shab hai agar hayat ‘ sitara hai un ka naam
تنہائی کس طرح مجھے محصور کر سکے
جب میرے دل میں انجمن آرا ہے اُن کا نام
Tanhai kis tarah mujhe mahsur kar seke
Jab mere dil mein anjuman aara hai un ka naam
ہر شخص کے دکھوں کا مداوا ہے اُن کی ذات
سب پاشکستگاں کا سہارا ہے اُن کا نام
Har shakhs ke dukhon ka madawa hai un ki zaat
Sab pashkastgan ka sahara hai un ka naam
بے یاروں ‘ بے کسوں کا اَثاثہ ہے اُن کی یاد
بے چارگانِ دہر کا چارا ہے اُن کا نام
Be yaron ‘ be kason ka asasa hai un ki yaad
Be chargan-e-dehr ka chara hai un ka naam
لب وَا رَہیں تو اسمِ محمدؐ اَدا نہ ہو
اظہارِ مُدّعا کا اِشارا ہے اُن کا نام
Lab wa rhen to ism-e-Muhammadؐ ada na ho
Izhar-e-mudda ka ishaara hai un ka naam
لفظِ محمدؐ اَصل میں ہے نطق کا جمال
لحنِ خدا نے خود ہی سنوارا ہے اُن کا نام
Lafz-e-Muhammadؐ asal mein hai nutq ka jamaal
Lahn-e-Khuda ne khud hi sanwara hai un ka naam
قرآن پاک اُن پہ اُتارا گیا ندیمؔ
اور میں نے اپنے دل میں اُتارا ہے اُن کا نام
Quran Pak un pe utara gaya Nadeemؔ
Aur maine apne dil mein utara hai un ka naam
Share This Naat
Share with friends and family
مجھ کو تو اَپنی جاں سے بھی
احمد ندیم قاسمی